• search
  • Live TV
కడప వార్తల కోసం
నోటిఫికేషన్స్ పై క్లిక్ చేయండి  

పరాయిదేశంలో చిత్రహింసలు: ఏపీ మహిళను కాపాడిన వరంగల్ పోలీసులు

|

వరంగల్: పరాయి దేశంలో చిత్రహింసలకు గురవుతున్న కడపకు చెందిన మహిళను కాపాడి వరంగల్‌ కమిషనరేట్‌ పోలీసులు తమ ఔదార్యం చాటారు. వరంగల్‌ పోలీసు కమిషనర్‌ సుధీర్‌బాబు సోమవారం మీడియాకు వివరాలు వెల్లడించారు. జూన్ 7న కమిషనరేట్‌ ఫోన్‌ నంబర్‌కు వాట్సాప్‌ ద్వారా ఓ వీడియో వచ్చింది.

రియాద్‌లో చిక్కుకుని ఓ తెలుగు మహిళ పడుతున్న ఇబ్బందులను వాట్సాప్‌ ద్వారా తన బంధువులకు పంపించగా, అది కాస్తా పోలీసు కమిషనరేట్‌కు వచ్చింది. కమిషనర్‌ ప్రత్యేక బృందాన్ని రంగంలోకి దింపి ఆమె గురించి ఆరా తీశారు. ఆమెను ఆంధ్రప్రదేశ్‌ రాష్ట్రం కడప జిల్లా సిద్దవటం మండలం లక్ష్మీపురానికి చెందిన సుబ్బలక్ష్మిగా గుర్తించారు.

సుబ్బలక్ష్మి ఆర్థిక సమస్యలతో బాధపడుతున్నట్లు తేలింది. దుబాయిలో కూలీ పని కోసం వెళ్లేందుకు మధ్యవర్తులు జిలానీ, వలీ వెంకటేశ్‌ను ఆశ్రయించింది. వారికి రూ.80 వేలు ఇచ్చింది. వారు ఆమెను దుబాయికి కాకుండా రియాద్‌ దేశంలోని అబ్దుల్లా షేక్‌కు రూ.2 లక్షలకు విక్రయించారు. ఆమె నెల రోజులపాటు అతని వద్ద పని చేసింది. ఆ తర్వాత అనారోగ్యానికి గురైంది.

Warangal police chief rescues Kadapa woman

గుండె సంబంధిత వ్యాధితో ఆమె బాధపడుతోందని వైద్యులు చెప్పడంతో షేక్‌ ఆమెను ఇరుకైన మరుగుదొడ్డిలో బంధించి వేధించడం మొదలుపెట్టాడు. ఈక్రమంలో సుబ్బలక్ష్మి ఆరోగ్యం పూర్తిగా క్షీణించింది. ఆమె పడుతున్న బాధలను అక్కడ ఉన్న ఓ మహిళ సెల్‌ఫోన్‌లో చిత్రీకరించి, కువైట్‌లో ఉన్న బంధువులకు పంపారు. వారు ఆమె సోదరుడికి పంపించారు.

కాగా, ఈక్రమంలో ఆ వీడియో అనుకోకుండా వరంగల్‌ పోలీస్‌ కమిషనరేట్‌కు చేరింది. తెలుగు మహిళ కావడంతో చొరవ చూపిన పోలీసులు.. రూ.2 లక్షలను అబ్దుల్లాషేక్‌కు చెల్లించి ఆమెను వరంగల్‌ తీసుకొచ్చారు. అనంతరం స్వస్థలానికి పంపించారు. వరంగల్‌ పోలీసు కమిషనర్‌ తనకు పునర్జన్మనిచ్చారని బాధిత మహిళ సుబ్బలక్ష్మి ఆనందం వ్యక్తం చేశారు.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

English summary
Responding to a video clip about the plight of a woman in Whatsapp, City Police Commissioner G. Sudheer Babu took pains to rescue the woman from the clutches of her master from Riyadh.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more