వాలెంటైన్స్ డే: ఓ ప్రేమజంటకు హిందూ వాహిని పెళ్లి
హైదరాబాద్: హిందూ వాహిని సంస్థ అన్నంత పని చేసింది. హైదరాబాదులోని వనస్థలిపురం ప్రాంతంలో హిందూ వాహిని ఓ ప్రేమజంటకు వాలెంటైన్స్ డే సందర్బంగా శనివారం వివాహం చేసింది. వాలెంటైన్స్ డే సందర్భంగా ప్రేమికులు కనిపిస్తే పెళ్లిళ్లు చేస్తామని భజరంగ్ దళ్ తదితర హిందూ సంస్థలు హెచ్చరించిన విషయం తెలిసిందే.
వాలెంటైన్స్ డేని వ్యతిరేకిస్తూ విశ్వ హిందూ పరిషత్ (విహెచ్పి), భజ్రంగ్దళ్ హైదరాబాదులోని పలు ప్రాంతాల్లో నిరసన కార్యక్రమాలు చేపట్టాయి. హైదరాబాదులోని అబిడ్స్, సికింద్రాబాద్, దిల్సుఖ్నగర్, పంజగుట్ట చౌరస్తాలో వాలెంటైన్స్ దిష్టిబొమ్మలు దహనం చేశారు.
సికింద్రాబాదులోని సంజీవయ్య పార్క్ దగ్గర ప్రేమజంటను అడ్డుకున్న 10 మంది భజ్రంగ్దళ్ కార్యకర్తలను పోలీసులు అరెస్టు చేశారు. వారి నుంచి ఆరు బైకులను స్వాధీనం చేసుకున్నారు. వాలెంటైన్స్ డేను హిందూ సంస్థల వ్యతిరేకిస్తున్న విషయం తెలిసిందే.
మంగళసూత్రాలు, మట్టెలు పట్టుకుని హిందూ సంస్థల కార్యకర్తలు నగరంలో ప్రేమ జంటల కోసం వేట సాగించారు అయితే, అది అంతగా ఫలితం ఇచ్చినట్లు కనిపించడం లేదు.