'ఏపీపై కేంద్రానికి జగన్ ఫిర్యాదు, ఆగిపోయిన నిధులు, నిజం తెలిసింది'

జాతీయ గ్రామీణ ఉపాధి హామీ పథకం కింద ఉపాధి పొందుతున్న కూలీల పొట్టగొట్టేలా వైసిపి అధినేత వైయస్ జగన్మోహన్ రెడ్డి వ్యవహరించారని టిడిపి ఎంపీ సీఎం రమేష్‌ విమర్శించారు.

Published: Thursday, October 5, 2017, 13:48 [IST]

కడప: జాతీయ గ్రామీణ ఉపాధి హామీ పథకం కింద ఉపాధి పొందుతున్న కూలీల పొట్టగొట్టేలా వైసిపి అధినేత వైయస్ జగన్మోహన్ రెడ్డి వ్యవహరించారని టిడిపి ఎంపీ సీఎం రమేష్‌ విమర్శించారు.

అనివాశ్ రెడ్డి ద్వారా కేంద్రానికి ఫిర్యాదు

ఈ పథకం కింద దేశంలోనే ఎక్కడా లేనంతగా ఏపీలో పనులు చేపడుతుంటే అవకతవకల పేరిట వాటిని అడ్డుకునేందుకు, తన బంధువులైనా ఎంపీలు వైవీ సుబ్బారెడ్డి, అవినాష్ రెడ్డిలతో కేంద్రానికి జగన్ ఫిర్యాదు చేయించారని ఆయన ఆరోపించారు.

నాలుగు నెలలుగా కూలీలు ఆగిపోయాయి, నిజం తెలిసింది

దీంతో గత నాలుగు నెలలకుగాను రాష్ట్రంలో కూలీలకు చెల్లించాల్సిన వేతనాలు సుమారు రూ.1100 కోట్లు ఆగిపోయాయని సీఎం రమేష్ తెలిపారు. వైసిపి ఎంపీల ఫిర్యాదుపై కేంద్రం విచారణ జరిపి ఏపీలో అవకతవకలు జరగలేదని తేల్చిందని అన్నారు.

త్వరలో విడుదల

త్వరలోనే రాష్ట్రానికి రావాల్సిన నిధులు విడుదల కానున్నాయని ఎంపీ సీఎం రమేష్ చెప్పారు. శ్రీశైలం ప్రాజెక్టు నుంచి ఆంధ్రప్రదేశ్ రైతులకు నీరివ్వడాన్ని జగన్‌ ఏమాత్రం ఓర్చుకోలేకపోతున్నారని విమర్శించారు.

ఆళ్లగడ్డపై అఖిలప్రియ

ఆళ్లగడ్డను కల్చరల్ కేంద్రంగా తీర్చిదిద్దుతామని, అహోబిలంను టెంపుల్ టూరిజంగా అభివృద్ధి చేస్తామని మంత్రి అఖిలప్రియ కర్నూలులో చెప్పారు. వచ్చే నెల నుంచి సాంస్కృతిక కార్యక్రమాలు నిర్వహిస్తామని, పర్యాటక శాఖలోని పెండింగ్ ప్రాజెక్టులను పూర్తి చేస్తామని, నవ్యాంధ్రను టూరిజం హబ్‌గా మారుస్తామన్నారు.

Published On October 5, 2017