Leader: ఫేస్ బుక్ ప్రియురాలితో ?, బెడ్ రూమ్ వీడియోలతో ?, అధికార పార్టీ లీడర్ ఆత్మహత్య కేసులో ట్విస్ట్!

బెంగళూరు/ తిరుపతి: అధికార పార్టీలో గుర్తింపు తెచ్చుకుని రాజకీయాల్లో చురుకుగా ఉంటూ వ్యాపారం చేస్తున్న వ్యక్తి ఆత్మహత్య కేసులో ఊహించని మలుపుతిరిగింది. అనారోగ్యంతో ఆత్మహత్య చేసుకున్నాడని కుటుంబ సభ్యులతో పాటు ఆయన సొంతపార్టీ నాయకులు అనుకున్నారు. అయితే ఆత్మహత్య చేసుకున్న మూడు రోజుల తరువాత ఆయన రూమ్ లో డెత్ నోట్ చిక్కడంతో అందులోని సమాచారం తెలుసుకున్న కుటుంబ సభ్యులు, పోలీసులు, సొంతపార్టీ నాయకులు షాక్ అయ్యారు. భర్తగా నేను నీకు ద్రోహం చేశానని, నన్ను క్షమించాలని ఆ పొలిటికల్ లీడర్ భార్యకు మనవి చేశారు.

నేను వివాహిత మహిళతో అక్రమ సంబంధం పెట్టుకున్నానని, ఆమెతో పాటు ఆమె భర్త, ఆమె స్నేహితురాలు నేను ఏకంతంగా బెడ్ రూమ్ లో ఉన్న సమయంలో ఫోటోలు, వీడియోలు తీసి తనను బ్లాక్ మెయిల్ చేస్తున్నారని, ఇప్పటికే లెక్కలేనంత డబ్బులు ఇచ్చానని, ఇంకా తనను టార్చర్ పెట్గడంతో ఆత్మహత్య చేసుకుంటున్నానని డెత్ నోట్ రాసిన పొలిటికల్ లీడర్ ఆత్మహత్య చేసుకున్నాడని వెలుగు చూసింది. ఆత్మహత్య చేసుకున్న అధికార పార్టీ పొలిటికల్ లీడర్ ఆంధ్రప్రదేశ్ కు చెందినవాడు కావడం ఇప్పుడు ఐటీ హబ్ లో హాట్ టాపిక్ అయ్యింది.

అధికార పార్టీ నాయకుడు

ఐటీ హబ్ బెంగళూరు నగరంలోని హారోహళ్ళి బీబీఎంపీ వార్డులో నివాసం ఉంటున్న బీజేపీ నాయకుడు అనంతరాజు బీజేపీ నాయకుడిగా గుర్తింపు తెచ్చుకున్నారు. కర్ణాటకలో అధికారంలో ఉన్న బీజేపీలో గుర్తింపు తెచ్చుకుని రాజకీయాల్లో చురుకుగా ఉంటూ వ్యాపారం చేస్తున్న అనంతరాజు కుటుంబ సభ్యులు ఆంధ్రప్రదేశ్ కు చెందినవారని స్థానికులు అంటున్నారు.

ఇంట్లో ఆత్మహత్య చేసుకున్న అనంతరాజు

ఈనెల 12వ తేదీన అనంతరాజు ఆయన నివాసం ఉంటున్న ఇంట్లోనే ఆత్మహత్య చేసుకున్నాడు. అనంతరాజు ఆత్మహత్య చేసుకున్న విషయం గుర్తించిన ఆయన కుటుంబ సభ్యులు పోలీసులకు సమాచారం ఇచ్చారు. అనారోగ్యంతో బీజేపీ నాయకుడు అనంతరాజు ఆత్మహత్య చేసుకున్నాడని కుటుంబ సభ్యులతో పాటు బీజేపీ నాయకులు అనుకున్నారు.

డెత్ నోట్ కలకలం

అయితే అనంతరాజు ఆత్మహత్య చేసుకున్న నాలుగు రోజుల తరువాత ఆయన రూమ్ లో డెత్ నోట్ చిక్కడంతో అందులోని సమాచారం తెలుసుకున్న కుటుంబ సభ్యులు, పోలీసులు, సొంతపార్టీ నాయకులు షాక్ అయ్యారు. అనంతరాజు అనారోగ్యంతో ఆత్మహత్య చేసుకోలేదని, హనీట్రాప్ తో పాటు బ్లాక్ మెయిల్ చెయ్యడం వలనే ఆయన ఆత్మహత్య చేసుకున్నాడని వెలుగు చూసింది.

ఫేస్ బుక్ ప్రియురాలితో లింక్

బీజేపీ నాయకుడు అనంతరాజు ఆత్మహత్య చేసుకున్న డెత్ నోట్ లోని సమాచారం మేరకు వివరాలు ఈవిధంగా ఉన్నారు. కొంతకాలం క్రితం బీజేపీ నాయకుడు అనంతరాజుకు బెంగళూరులోని కేఆర్ పురంలో నివాసం ఉంటున్న వివాహిత మహిళ రేఖాతో పరిచయం అయ్యింది. అనంతరాజు, రేఖాల ఫేస్ బుక్ పరిచయం రానురాను చనువుగా మారింది.

అక్రమ సంబంధం.... నగ్న వీడియోలతో బ్లాక్ మెయిల్

కేఆర్ పురంలో నివాసం ఉంటున్న వివాహిత మహిళ రేఖాతో నేను అక్రమ సంబంధం పెట్టుకున్నానని అనంతరాజు డెత్ నోట్ లో రాసిపెట్టాడు. రేఖాతో పాటు ఆమె భర్త వినోద్, ఆమె స్నేహితురాలు స్పందన తన జీవితంతో ఆడుకున్నారని అనంతరాజు డెత్ నోట్ లో రాసిపెట్టాడు.

నేను, రేఖా ఏకంతంగా బెడ్ రూమ్ లో ఉన్న సమయంలో వినోద్, స్పందన ఆ ఫోటోలు, వీడియోలు తీసి తనను బ్లాక్ మెయిల్ చేస్తున్నారని, ఇప్పటికే లెక్కలేనంత డబ్బులు ఇచ్చానని, ఇంకా తనను టార్చర్ పెట్గడంతో ఆత్మహత్య చేసుకుంటున్నానని అనంతరాజు ఆత్మహత్య చేసుకునే ముందు డెత్ నోట్ రాసి పెట్టాడని పోలీసులు అన్నారు.

హనీట్రాప్, బ్లాక్ మెయిల్ కేసు

భర్తగా నేను నీకు ద్రోహం చేశానని, నన్ను క్షమించాలని, మనపిల్లలను బాగా చదివించి వాళ్లను ప్రయోజకులను చెయ్యాలని బీజేపీ నాయకుడు అనంతరాజు డెత్ నోట్ లో ఆయన భార్యకు మనవి చేశాడని పోలీసు అధికారులు అంటున్నారు. బీజేపీ నాయకుడు అనంతరాజు భార్య కేసు పెట్టడంతో పోలీసులు రంగంలోకి దిగారు.

కిలాడీ, భర్త, లేడీ కోసం పోలీసుల వేట

కేఆర్ పురంలో నివాసం ఉంటున్న రేఖా, ఆమె భర్త వినోద్, కిలాడీ లేడీ ఫ్రెండ్ స్పందనను అరెస్టు చేసి విచారణ చేస్తామని పోలీసు అధికారులు అంటున్నారు. ఆత్మహత్య చేసుకున్న బీజేపీ నాయకుడు అనంతరాజు కుటుంబ సభ్యులు ఆంధ్రప్రదేశ్ కు చెందినవారు కావడం ఇప్పుడు ఐటీ హబ్ లో హాట్ టాపిక్ అయ్యింది.

English summary

Illegal affair: Bengaluru Byadarahalli BJP leader Ananth Raj suicide reason revealed