• search
  • Live TV
చెన్నై వార్తల కోసం
నోటిఫికేషన్స్ పై క్లిక్ చేయండి  

డీఎంకె గెలిచినందుకు... నాలుక కోసి మొక్కు చెల్లించుకున్న మహిళా అభిమాని...

|

తమిళనాడులో డీఎంకె విజయం సాధించినందుకు ఆ పార్టీ మహిళా అభిమాని ఒకరు ఏకంగా తన నాలుకను కోసి అమ్మవారికి సమర్పించే ప్రయత్నం చేశారు. అసెంబ్లీ ఎన్నికల్లో డీఎంకె గెలిస్తే తన నాలుకను కోసి సమర్పిస్తానని ఆమె మొక్కుకున్నారు. ఎన్నికల్లో డీఎంకె గెలవడంతో మొక్కు చెల్లించుకున్నారు.

డీఎంకె గెలిచిందని తెలియగానే స్థానిక ఆలయానికి వెళ్లిన ఆమె అక్కడే తన నాలుకను కోసుకున్నారు. అనంతరం దాన్ని అమ్మవారికి సమర్పించేందుకు ప్రయత్నించగా సాధ్యం కాలేదని తెలుస్తోంది. ఆలయంలో కోవిడ్ ఆంక్షల నేపథ్యంలో... ఆమె తన నాలుకను ఆలయ గేటు వద్దే పడేసి వెళ్లిపోయారు. అక్కడినుంచి ఆమె నేరుగా ఆస్పత్రికి వెళ్లి చికిత్స తీసుకున్నారు.

గతంలోనూ పలు సందర్భాల్లో ఇలాంటి ఘటనలు చోటు చేసుకున్నాయి. 2018 అసెంబ్లీ ఎన్నికల సమయంలో కేసీఆర్ మరోసారి తెలంగాణ ముఖ్యమంత్రి కావాలని కోరుతూ పశ్చిమ గోదావరికి చెందిన మహేష్ అనే ఆంధ్రా యువకుడు తన నాలుక కోసి దేవుడికి మొక్కు చెల్లించుకున్నాడు. నాలుకను కోసి దేవుడి హుండీలో వేశాడు. తీవ్ర రక్తస్రావమైన ఆ యువకుడిని స్థానికులు గుర్తించి ఆస్పత్రికి తరలించారు.

Woman cuts off her tongue to keep promise as DMK wins Tamil Nadu

ఇక తమిళనాడు అసెంబ్లీ ఎన్నికల ఫలితాల విషయానికి వస్తే... మొత్తం 234 అసెంబ్లీ స్థానాల్లో డీఎంకె నేత్రుత్వంలోని కూటమి 159 స్థానాల్లో విజయం సాధించింది. డీఎంకె సొంతంగా 133 అసెంబ్లీ స్థానాల్లో గెలుపొందగా.. కాంగ్రెస్ 7 స్థానాల్లో,వీసీకే 4 స్థానాల్లో,సీపీఐ 2,సీపీఎం 2 స్థానాల్లో గెలుపొందాయి. అన్నాడీఎంకె-బీజేపీ కూటమి 75 స్థానాల్లో విజయం సాధించింది. ఇందులో అన్నాడీఎంకె 66 స్థానాల్లో బీజేపీ 4 స్థానాల్లో విజయం సాధించింది.

కమల్ హాసన్ పార్టీ మక్కల్ నీది మయ్యమ్ సున్నా స్థానాలకు పరిమితమైంది. కోయంబత్తూర్ సౌత్ నుంచి పోటీ చేసిన కమల్ హాసన్ బీజేపీ అభ్యర్థి చేతిలో 1500 ఓట్ల తేడాతో ఓటమిపాలయ్యారు.

ఓట్ల శాతం పరిశీలిస్తే.. డీఎంకెకి 37.7శాతం,అన్నాడీఎంకెకి 33.29శాతం,కాంగ్రెస్‌కు 4.26శాతం ఓట్లు వచ్చాయి.బీజేపీకి కేవలం 2.61శాతం ఓట్లు వచ్చాయి.ఇతరులకు 14.5శాతం,నోటాకు 0.01శాతం ఓట్లు వచ్చాయి.

English summary
A woman in Tamil Nadu cut off her tongue and offered it to a temple deity in order to keep her promise after Dravida Munnetra Kazhagam (DMK) won the state assembly elections.Thirty-two-year-old Vanitha had apparently taken a vow earlier to cut her tongue as a sacrifice to God to assure DMK's win in the 2021 assembly election.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X