తూర్పుగోదావరి వార్తల కోసం
నోటిఫికేషన్స్ పై క్లిక్ చేయండి  
Oneindia App Download

నొప్పి లేకుండా చనిపోవటం ఎలా .. పరిశోధన చేసి మరీ షాకింగ్ సూసైడ్

|
Google Oneindia TeluguNews

అనారోగ్యం బారిన పడిన ఓ యువకుడు తాను చనిపోవాలని నిశ్చయించుకున్నాడు. అయితే ఆత్మహత్య చేసుకోవాలని నిర్ణయించుకున్న ఆ యువకుడు చేసిన పని ఇప్పుడు అందరినీ షాక్ కి గురి చేస్తుంది. ఏ మాత్రం బాధ లేకుండా ప్రాణాలు తీసుకోవాలని భావించిన అతను, నాలుగు రోజుల పాటు యూ ట్యూబ్ వీడియోలు చూసి మరీ బలవన్మరణానికి పాల్పడ్డాడు.

ఇది ఎక్కడో జరిగిన విషయం కాదు. తెలుగు రాష్ట్రమైన ఆంధ్రప్రదేశ్లో తూర్పు గోదావరి జిల్లా సామర్లకోట సమీపంలో జరిగింది ఘటన. సంఘటనకు సంబంధించిన పోలీసులు వెల్లడించిన వివరాలను చూస్తే 35 సంవత్సరాల వయసున్న లెక్కల రామ చంద్రుడు అనే వ్యక్తి గత కొంతకాలంగా మానసిక వ్యాధితో బాధపడుతున్నాడు. చనిపోవాలని నిర్ణయం తీసుకున్న అతను రాత్రి సమయంలో ఇంట్లో ఎవరూ లేని టైం చూసి వాష్ రూమ్ లోకి వెళ్లి చాకుతో కోసుకున్నాడు. మెడ చేతులపై చాకుతో కోసుకోవడం తో తీవ్ర రక్తస్రావం అయిన లెక్కల రామచంద్రుడు ప్రాణాలు కోల్పోయాడు.

How to die without pain... shocking suicide with four days research in youtube

ఈ ఆత్మహత్య ఘటనపై కేసు నమోదు చేసిన పోలీసులు అతని సెల్ ఫోన్ చూసి షాక్ అయ్యారు. ఎందుకంటే అతని సెల్ ఫోన్ లో నొప్పి లేకుండా మరణించడం ఎలా అన్న విషయంపై నాలుగు రోజులపాటు అతను వీడియోలు చూసినట్లుగా పోలీసులు గుర్తించారు. మొత్తానికి చాకుతో కోసుకొని మృత్యువాత పడిన లెక్కల రామచంద్రుడు నొప్పి లేకుండా చనిపోవాలని నిర్ణయం తీసుకోవడంతోనే వీడియోలు చూసినట్లుగా తెలుస్తుంది.

ఇంతా పరిశోధన చేసి చాకుతో కోసుకున్నాడు అంటే మరణం ఏదైనా ఎలా సంభవించినా నొప్పి, బాధ ఉంటుందనే సంకేతమే అని స్థానికులు చర్చించుకుంటున్నారు. ఇక కేసు నమోదు చేసిన పోలీసులు మృతదేహాన్ని పోస్టుమార్టంకు తరలించి కేసు దర్యాప్తు చేస్తున్నారు. చాకుతో చేతులు,మెడ కోసుకున్న లెక్కల రామచంద్రుడు అంత పరిశోధన చేసి మరి నొప్పి, బాధతోనే ప్రాణాలు కోల్పోయినట్లుగా తెలుస్తుంది.

English summary
A 35-year-old man named Lekkala. Rama Chandrudu has been suffering from mental illness for some time now. Deciding to die, he went into the washroom at night and saw no one in the house. Ramachandra died of severe bleeding with a knife cuts to his neck and hands.the shocking issue is that he wathched the videos how to die without pain for four days and he finally committed suicide.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X