ఆన్ లైన్ సెక్స్ రాకెట్ ముఠాపై నిఘా.. వంశీరెడ్డి అరెస్ట్, పీడీ యాక్ట్ కింద కేసు..
ఆన్లైన్ సెక్స్ రాకెట్ కలకలం రేపుతోంది. నేరుగా కాకుండా ఆన్ లైన్లో విటులను ఆకర్షిస్తారు. వారి ఫోటోలు పెడతారు. ఒకవేళ ఎవరైనా కావాలని కోరితే వారి వద్దకు పంపించి.. సొమ్ము చేసుకుంటున్నారు. హైదరాబాద్కు చెందిన వంశీరెడ్డి.. ఆన్ లైన్ సెక్స్ రాకెట్ నడిపిస్తున్నారు. యువతులను బెంగాల్ నుంచి తీసుకొస్తూ.. విటుల వద్దకు పంపిస్తున్నారు. ఒక్కొక్క యువతిని పంపించి.. రూ. వేలు వసూల్ చేసి సొమ్ము చేసుకుంటున్నాడు.
ఉద్యోగం పేరుతో బెంగాల్కి చెందిన యువతులకు వంశీరెడ్డి మాయమాటలు చెబుతున్నాడు. వారు వచ్చాక వ్యభిచారం చేయిస్తున్నాడు. వారికి మరో దారి లేకపోవడంతో గుమ్మనకుండా పనిచేయిస్తున్నారు. అమ్మాయిని విటుల వద్దకు పంపించి రూ.వేలల్లో డబ్బు తీసుకునేవాడు. అయితే ఈ మొత్తం ఇష్యూ ఆన్లైన్లోనే జరిగేది.
మేడ్చల్ మల్కాజ్గిరి జిల్లా కీసరకు చెందిన వంశీరెడ్డి అలియాస్ కృష్ణారెడ్డికి కొంతకాలం క్రితం వ్యభిచార నిర్వాహకురాలు అంజలితో పరిచయం ఏర్పడింది. సులభంగా డబ్బు సంపాదించాలని లక్ష్యంగా పెట్టుకొని ముఠాలో సభ్యుడిగా చేరాడు. సమాచారం అందుకున్న రాచకొండ పోలీసుల కొద్దిరోజుల క్రితం వీరి స్థావరంపై దాడి చేసి అమ్మాయిలను రక్షించారు. వంశీరెడ్డితోపాటు అంజలిని అరెస్ట్ చేసి రిమాండ్కు తరలించారు. యువతుల అక్రమ రవాణాలో కీలకంగా వ్యవహరించిన వంశీరెడ్డిపై పీడీ యాక్ట్ నమోదు చేశారు.