• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

హైదరాబాద్ లో 144 సెక్షన్: 24 గంటల పాటు: ఈ సారి ప్రత్యేకం..!

|

హైదరాబాద్: గ్రేటర్ హైదరాబాద్ పరిధిలో 144 సెక్షన్ ను విధించారు పోలీసులు. ఈ మేరకు ఉత్తర్వులు జారీ చేశారు. ఈ సాయంత్రం 6 గంటల నుంచి 24 గంటల పాటు ఈ ఉత్తర్వులు అమల్లో ఉంటాయి. బాబ్రీ మసీదును కూల్చివేసిన డిసెంబర్ 6వ తేదీని దృష్టిలో ఉంచుకుని హైదరాబాద్ పోలీసులు 144 సెక్షన్ ను విధించారు. డిసెంబర్ 6వ తేదీ నాడు బ్లాక్ డేగా జరుపుకొంటారు. దీన్ని దృష్టిలో ఉంచుకుని ఎలాంటి అవాంఛనీయ సంఘటనలు చోటు చేసుకోకుండా ఉండటానికి ఏటేటా 144 సెక్షన్ ను విధించడం ఆనవాయితీగా వస్తోంది. ఈ సారి కొన్ని ప్రత్యేక కారణాలు చోటు చేసుకున్నాయి.

కర్ణాటకలో ఉప ఎన్నికల పోలింగ్ ఆరంభం: యడ్డీ సర్కార్ నిలబడాలంటే.. కనీసం ఏడు

    News Roundup : Manish Kumar Sinha Appointed As New Intelligence Chief Of Andhra Pradesh !

    అవాంఛనీయ సంఘటనలకు పాల్పడే అవకాశం ఉన్నట్లు తమకు ఇంటెలిజెన్స్ అధికారుల నుంచి పక్కా సమాచారం అందిందని, దీన్ని దృష్టిలో ఉంచుకుని 144 సెక్షన్ ను విధించడంతో పాటు.. సున్నితమైన, సమస్యాత్మక ప్రాంతాల్లో భారీగా భద్రతా బలగాలను మోహరించనున్నట్లు పోలీసులు తెలిపారు. ఈ మేరకు హైదరాబాద్ పోలీస్ కమిషనర్ ఓ ప్రకటన విడుదల చేశారు. శాంతిభద్రతలను భగ్నం చేయడానికి ప్రయత్నించే ఏ ఒక్కర్ని వదిలిపెట్టబోమని హెచ్చరించారు.

    Section 144 imposed in Hyderabad ahead of Babri Masjid demolition 27th anniversary

    బాబ్రీ మసీదును కూల్చివేసిన ఘటనకు శుక్రవారం నాటితో 27 సంవత్సరాలు పూర్తి కానున్నాయి. బాబ్రీ మసీదు కూల్చివేత, రామమందిరం నిర్మాణం.. వంటి అంశాల్లో ఈ సారి డిసెంబర్ 6వ తేదీ.. ప్రత్యేకత సంతరించుకుంది. అయోధ్యలోని రామజన్మభూమి-బాబ్రీ మసీదు భూవివాదం కేసులో దేశ అత్యున్నత న్యాయస్థానం హిందువులకు అనుకూలంగా తీర్పు వెలువరించిన విషయం తెలిసిందే.

    వివాదాస్పద భూమి రామ్ లల్లా విరాజ్ మాన్ కు చెందుతుందని సుప్రీంకోర్టు తీర్పు ఇవ్వడం, దీన్ని సవాలు చేస్తూ జమాతె ఉలేమా-ఇ-హింద్ రివ్యూ పిటీషన్ దాఖలు చేయడం వంటి సంఘటనలు తోడు కావడంతో ఇదివరకు ఎప్పుడూ లేని ప్రత్యేకత ఈ సారి డిసెంబర్ 6వ తేదీకి ఏర్పడింది. ముస్లిం సామాజిక వర్గం అత్యంత ప్రాముఖ్యతను ఇచ్చే రోజు శుక్రవారం. శుక్రవారం పూట వారు ప్రత్యేక ప్రార్థనలను నిర్వహిస్తుంటారు.

    అదే రోజు బ్లాక్ డే రావడం కూడా 144 సెక్షన్ ను విధించడానికిి ఓ కారణమైనట్లు పోలీసులు చెబుతున్నారు. ఈ సందర్భంగా హైదరాబాద్ పాతబస్తీలోని మక్కా మసీదు సహా పరిసర ప్రాంతాల్లో కట్టుదిట్టమైన బందోబస్తును ఏర్పాటు చేయనున్నట్లు పోలీసులు వెల్లడించారు. శుక్రవారం సాయంత్రం 6 గంటల తరువాత 144 సెక్షన్ ను ఎత్తేస్తామని, ఈ మధ్యకాలంలో ఎవరూ ఎలాంటి అవాంఛనీయ సంఘటనలకు పాల్పడినా కఠిన చర్యలు తీసుకుంటామని హెచ్చరించారు.

    తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

    English summary
    The Hyderabad city police have imposed Section 144 from Thursday to Saturday across the city. The move by the police comes a day ahead of the 27th anniversary of the Babri Masjid demolition on December 6. “We have received information that certain groups are trying to create disturbances affecting public peace and order in the city, inciting communal animosity between different communities on December 6,” the police said, in a statement to media.
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more