• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

Cyclone Amphan: బెంగాల్‌లో 10 మందికిపైగా మృతి, సీఎం మమత రివ్యూ

|

కోల్‌కతా: అత్యంత తీవ్ర తుఫానుగా మారిన ఆంఫన్ పశ్చిమబెంగాల్ రాష్ట్రంలో బీభత్సం సృష్టిస్తోంది. ఇప్పటి వరకు ఆంపన్ తుఫాను కారణంగా రాష్ట్రంలో 10-12 మంది ప్రాణాలు కోల్పోయారని పశ్చిమబెంగాల్ సీఎం మమతా బెనర్జీ తెలిపారు. వందలాది మంది నిరాశ్రయులయ్యారని చెప్పారు. సచివాలయం నుంచే తుఫాను ప్రభావిత ప్రాంతాల్లోని పరిస్థితులను ఆమె సమీక్షిస్తున్నారు. తుఫాను ప్రభావంతో కోల్‌కతాలో భారీ ఈదురుగాలులతో కూడిన వర్షం పడుతోంది.

amphan cyclone: తీరం దాటిన తుఫాను, బెంగాల్, ఒడిశాల్లో అతలాకుతలం

బుధవారం మధ్యాహ్నం తీరాన్ని తాకిన తుఫాను

బుధవారం మధ్యాహ్నం 2.30గంటల ప్రాంతంలో భారీ ఈదురుగాలులతో తీరాన్ని తాకినట్లు వాతావరణ శాఖ అధికారులు తెలిపారు. సుమారు 4గంటలపాటు తీరం దాటే ప్రక్రియ కొనసాగనున్నట్లు వెల్లడించారు.

10-12 people have died in in West Bengal due to Cyclone Amphan: CM Mamata Banerjee.

పశ్చిమబెంగాల్‌లోని దిఘా, బంగ్లాదేశ్‌లోని హతియా దీవుల వద్ద ఆంపన్ తీరం దాటిందని వాతావరణ శాఖ అధికారులు తెలిపారు. ముందు జాగ్రత్త చర్యల్లో భాగంగా పశ్చిమబెంగాల్, ఒడిశా తీర ప్రాంతాల్లోని సుమారు 6 లక్షల మందిని అధికారులు సురక్షిత ప్రాంతాలకు తరలించారు.

ఈ అంపన్ తుఫాను కారణంగా ఇప్పటికే బెంగాల్, ఒడిశా తీరాలు అతలాకుతలమయ్యాయి. ఆయా తీర ప్రాంతాల్లో ఈదురుగాలులతో కూడిన భారీ వర్షాలు పడుతున్నాయి. సముద్రపు అలలు కూడా ఎగిసిపడుతున్నాయి. తుఫాను ప్రభావంతో సముద్రంలో ఎగిసిపడుతున్న రాకాసి అలలు బెంగాల్ తీర ప్రాంతాలను ముంచెత్తే అవకాశం ఉందని అధికారులు హెచ్చరించారు.

కాగా, తుఫాను ప్రభావిత ప్రాంతాల్లో గంటకు 170-200 కి.మీ వేగంతో ఈదురుగాలులు వీస్తున్నాయి. దీంతో అనేక చెట్లు నేలకూలుతున్నాయి. పలు ఇళ్లు ధ్వంసమయ్యాయి. తుఫాను తీరం దాటాక గంటకు 110-120 కి.మీ వేగంతో ఈదురు గాలులు వీచే అవకాశం ఉంది. ఇది బంగ్లదేశ్ వైపు వెళ్లాక తీవ్ర వాయుగుండంగా మారనుంది. ఆ తర్వాత బలహీన పడనున్నట్లు అధికారులు తెలిపారు.

English summary
10-12 people have died in in West Bengal due to Cyclone Amphan: CM Mamata Banerjee.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more