• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

1988 రోడ్ రేజ్ కేసు: పాటియాలా కోర్టులో లొంగిపోయిన నవజోత్ సింగ్ సిద్ధూ

|
Google Oneindia TeluguNews

చండీగఢ్: 1988 నాటి కేసులో మాజీ క్రికెటర్, కాంగ్రెస్ పార్టీ నేత నవజోత్ సింగ్ సిద్ధూకు ఏడాది జైలు శిక్ష విధిస్తూ సుప్రీంకోర్టు గురువారం తీర్పునిచ్చిన విషయం తెలిసిందే. ఈ క్రమంలో నవజోత్ సింగ్ సిద్ధూ శుక్రవారం పాటియాల కోర్టులో లొంగిపోయారు. శుక్రవారం మధ్యాహ్నం పాటియాలలోని తన నివాసం నుంచి జిల్లా కోర్టుకు వెళ్లిన ఆయన న్యాయమూర్తి ఎదుట లొంగిపోయారు.

1988 Road Rage Case: Navjot Singh Sidhu Surrenders Before Patiala Court

కాగా, అంతకుముందు సిద్ధూ ఈ విషయంపై సుప్రీంకోర్టును ఆశ్రయించిన విషయం తెలిసిందే. ఈ కేసులో లొంగిపోయేందుకు తాను సిద్ధంగా ఉన్నానని, అయితే, ఆరోగ్య కారణాల రీత్యా తనకు కొన్ని వారాల సమయం ఇవ్వాలని సిద్ధూ న్యాయస్థానాన్ని కోరారు. సిద్ధూ తరపు న్యాయవాది ఏఎం సింఘీ ఈ పిటిషన్ ను జస్టిస్ ఏఎం ఖన్విల్కర్, జస్టిస్ జేబీ పార్థివాలాలతో కూడిన ధర్మాసనం ముందుంచారు.

అయితే, ఈ కేసులో ప్రత్యేక బెంచ్ తీర్పు ఇచ్చినందున.. తాజా అభ్యర్థనపై తాము నిర్ణయం తీసుకోలేమని ధర్మాసనం తెలిసింది. ప్రధాన న్యాయమూర్తి నేతృత్వంలోని ధర్మాసనం ముందు ఈ పిటిషన్ దాఖలు చేయాలని సూచించింది. ఈ క్రమంలోనే శుక్రవారం సిద్ధూ పాటియాలా కోర్టులో లొంగిపోవడం గమనార్హం.

కాగా, 1988 డిసెంబర్ 27న నవజోత్ సింగ్ సిద్దూ, ఆయన స్నేహితుడైన రూపిందర్ సింగ్ సంధూ పాటియాలా రోడ్డు మధ్యలో జిప్సీ ఆపి ఉంచారు. ఆ మార్గంలో వచ్చిన గుర్నాంసింగ్(65) వాహనాన్ని పక్కకు తీయమని పదే పదే కోరారు. ఆవేశంతో మిత్రులు ఇద్దరూ వృద్ధుణ్ని కారు నుంచి బయటకు లాగి చితకబాదారు. ఆ తర్వాత గాయపడిన గుర్నాంసింగ్ ను ఆస్పత్రికి తరలించగా.. అతడు మృతి చెందినట్లు వైద్యులు నిర్ధారించారు.

అయితే, సరైన సాక్ష్యాధారాలు లేవంటూ పాటియాలా జిల్లా సెషన్స్ కోర్టు ఈ కేసులోని నిందితులు సిద్ధూ, రూపిందర్ సింగ్ లను హద్య ఆరోపణల నుంచి విముక్తి కల్పించింది. ఆ తర్వాత పంజాబ్, హర్యానా హైకోర్టుకు చేరిన ఈ కేసులో 2006 నాటి తీర్పు బాధితుడి పక్షాన వచ్చింది. సిద్ధూకు మూడేళ్ల శిక్ష విధించింది కోర్టు. ఈ తీర్పును 2018 మే 15న తోసిపుచ్చిన సుప్రీంకోర్టు.. ఓ సీనియర్ సిటిజన్‌ను గాయపరిచినందుకు సిద్ధూకు రూ. 1000 జరిమానా విధించింది. ఆ సమయంలో సిద్ధూ వెంట తను ఉన్నట్లు నమ్మదగ్గ సాక్ష్యాలు లేవంటూ రూపిందర్ సింగ్ సంధూను కేసు నుంచి విముక్తి చేసింది.

ఈ క్రమంలో అదే ఏడాది సెప్టెంబర్ నెలలో గుర్నాంసింగ్ కుటుంబం దాఖలు చేసిన రివ్యూ పిటిషన్ పరిశీలనకు అంగీకరించిన సుప్రీంకోర్టు.. సిద్ధూకు శిక్ష విధిస్తూ గురువారం తీర్పు చెప్పింది. ఈ జైలు శిక్షపై సిద్ధూ గురువారం స్పందిస్తూ తాను కోర్టు తీర్పును గౌరవిస్తానని చెప్పారు. ఈ నేపథ్యంలోనే శుక్రవారం సిద్ధూ కోర్టులో లొంగిపోయారు.

English summary
1988 Road Rage Case: Navjot Singh Sidhu Surrenders Before Patiala Court.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X