వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts
Oneindia App Download

భారత్ లో 4జీ డౌన్ లోడ్ స్పీడ్.. దారుణం, ప్రపంచంలోనే సింగపూర్ టాప్

భారత్ లో ఎక్కడ చూసినా ప్రస్తుతం మాట్లాడేది 4జీ గురించే. కానీ అసలు భారత్ లో 4 జీ డౌన్ లోడ్ స్పీడ్ ఎంతుందో తెలుసా? ప్రపంచ వ్యాప్తంగా ఉన్న సగటు డౌన్ లోడ్ స్పీడులో మూడో వంతు కంటే తక్కువ.

By Ramesh Babu
|
Google Oneindia TeluguNews

న్యూఢిల్లీ: భారత్ లో ఎక్కడ చూసినా ప్రస్తుతం మాట్లాడేది 4జీ గురించే. కానీ అసలు భారత్ లో 4 జీ డౌన్ లోడ్ స్పీడ్ ఎంతుందో తెలుసా? ప్రపంచ వ్యాప్తంగా ఉన్న సగటు డౌన్ లోడ్ స్పీడులో మూడో వంతు కంటే తక్కువ.

భారత్ లో ప్రస్తుతం 4జీ డౌన్ లోడ్ స్పీడ్ కేవలం 5.1 ఎంబీపీఎస్ మాత్రమే ఉన్నట్లు టెలికాం రెగ్యులేటరీ అథారిటీ ఆఫ్ ఇండియా(ట్రాయ్) వెల్లడించింది. ఇది ప్రపంచ వ్యాప్తంగా ఉన్న సగటు 3జీ డౌన్ లోడ్ స్పీడు కంటే కాస్త ఎక్కువట.

4G download speed in India three times below global average

మరి ఈ స్పీడును 4జీ అని ఎలా పిలుస్తాం? ఈ విషయం జనం కంటే బాగా తెలియాల్సింది టెలికాం సర్వీసు ప్రొవైడర్లకే. ఎందుకంటే, ప్రస్తుతం ఏ టెలికాం ఆపరేటర్ ను తీసుకున్నా.. 4 జీ ఆఫర్లంటే అదరగొట్టేస్తున్నాయి. తీరా డేటా కనెక్షన్ తీసుకున్నాక అవి వినియోగదారుడికి ఇస్తున్న డౌన్ లోడ్ స్పీడు మాత్రం అత్యంత దారుణంగా ఉంటోంది.

రిలయన్స్ జియో ఉచిత డేటా సర్వీసులతో డేటా ట్రాఫిక్ విపరీతంగా పెరిగిందని, ఫలితంగా ఆర్నెల్లుగా సెకెనుకు ఒక మెగాబైట్ కంటే ఎక్కువగా డౌన్ లోడ్ స్పీడ్ పడిపోతున్నట్లు ఓపెన్ సిగ్నల్ సంస్థ తన రిపోర్టులో నివేదించింది.

రిలయన్స్ జియో దెబ్బకు ఇతర టెలికాం ఆపరేటర్లు ఎయిర్ టెల్, వొడాఫోన్, ఐడియా కూడా తమ డేటా ధరలను తగ్గించాయని, దీంతో డేటా సర్వీసులకు మరింత డిమాండ్ పెరగడం కూడా డౌన్ లోడ్ స్పీడ్ ఈ స్థాయిలో పడిపోవడానికి మరో కారణమని అంటున్నారు.

నిజానికి 4జీ డౌన్ లోడ్ స్పీడ్ లో ప్రపంచంలోనే అగ్రస్థానంలో ఉన్నది సింగపూర్ దేశం. అలాగే దక్షిణ కొరియా కూడా ముందంజలో ఉంది. ఎటొచ్చీ భారత్ పరిస్థితే దారుణంగా ఉంది. చివరికి పాకిస్తాన్, శ్రీలంక దేశాల్లో 4జీ వేగం కూడా భారత్ కంటే అధికంగా ఉందట.

ప్రపంచ వ్యాప్తంగా సగటు 4జీ డౌన్ లోడ్ స్పీడు 16.2 ఎంబీపీఎస్ గా ఉంది. 2016 చివరి నాటికి భారత్ లో డేటా వినియోగదారుల సంఖ్య 217.95 మిలియన్లుగా ఉంది. అలాగే సగటు డేటా వాడకం కూడా నెలకు 236 ఎంబీ నుంచి 884 ఎంబీ వరకు పెరిగింది.

English summary
For all the talk of 4G and high-speed broadband in India, the average download speed - at 5.1Mbps - is less than a third of the global average and only marginally higher than the global 3G speed of 4.4 Mbps. And guess what? Average 3G download speeds across the country are less than 1 Mbps, which could go down to as low as 10 Kbps for some 3G subscribers, according to the telecom regulator. According to a report by OpenSignal, download speeds in India have dropped more than one megabit per second in the last six months as traffic has surged, mainly on the back of Reliance Jio Infocomm’s free services.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X