షాకింగ్: 81 ల‌క్ష‌ల ఆధార్ కార్డులు ర‌ద్దు.. మ‌రి మీ కార్డు? చెక్ చేసుకోండిలా...

దేశ వ్యాప్తంగా సుమారు 81 లక్షల ఆధార్ కార్డులు రద్దయ్యాయి. ఈ మేరకు యూనిక్ ఐడెంటిఫికేషన్ అథారిటీ ఆఫ్ ఇండియా ఒక ప్రకటన చేసింది. మరి రద్దయిన ఆధార్ కార్డల్లో మీది ఉందా? లేదా?

న్యూఢిల్లీ: దేశ వ్యాప్తంగా సుమారు 81 లక్షల ఆధార్ కార్డులు రద్దయ్యాయి. ఈ మేరకు యూనిక్ ఐడెంటిఫికేషన్ అథారిటీ ఆఫ్ ఇండియా ఒక ప్రకటన చేసింది. ఆధార్ రెగ్యులేషన్స్ 2016లోని సెక్షన్ 27, 28 సూచించిన వివిధ కారణాల వల్ల ఈ కార్డులు రద్దు చేసినట్లు యూఐడీఏఐ వెల్లడించింది.

మరి రద్దయిన ఆధార్ కార్డల్లో మీది ఉందా? లేదా? తెలుసుకోవాలనుకుంటే ఇలా చేయండి. యూఐడీఏఐ వెబ్ సైట్ లో ఉండే వెరిఫై ఆధార్ నంబర్ అనే ఆప్షన్ ద్వారా మీ కార్డు ఉందో, రద్దయిందో సులువుగా తెలుసుకోవచ్చు.

దీనికోసం ముందుగా మీరు మీ వెబ్ బ్రౌజర్ లో https://resident.uidai.gov.in/aadhaarverification అని టైప్ చేసి ఎంటర్ చేయాలి. దీంతో మీరు నేరుగా వెరిఫై ఆధార్ నంబర్ ఆప్షన్ ఉన్న పేజీలోకి వెళతారు.

అక్కడ మీ ఆధార్ నంబర్ ఎంటర్ చేసి, దాంతోపాటు కింద ఉన్న గడిలో పక్కనే కనిపించే సెక్యూరిటీ కోడ్ ను ఎంటర్ చేసి, ఆపైన ఆకుపచ్చ రంగులో కనిపించే వెరిఫై బటన్ పై క్లిక్ చేయాలి.

మీ ఆధార్ నంబర్ యాక్టివ్ గా ఉంటే.. వెంటనే మీకొక మెసేజ్ కనిపిస్తుంది. అందులో మీ వయసు, రాష్ట్రం, మీ మొబైల్ నంబర్ లోని చివరి మూడు నంబర్లు చూపిస్తుంది. ఒకవేళ మీ ఆధార్ నంబర్ రద్దయి ఉంటే.. దానికి సంబంధించిన మెసేజ్ కనిపిస్తుంది.

English summary

Close to 81 lakh Aadhaar numbers have been deactivated by the Unique Identification Authority of India (UIDAI), according to Minister of State for Electronics and Information Technology PP Chaudhary. "Till date, approximately 81 lakh Aadhaar numbers have been deactivated," the minister informed the Parliament on Friday. The Aadhaar numbers were deactivated for a number of reasons stated in Section 27 and 28 of Aadhaar (Enrolment and Update) Regulations, 2016. "Prior to enactment of the Aadhaar Act, 2016, the deactivation (suspension) of Aadhaar numbers was done as per the Aadhaar Life Cycle Management (ALCM) guideline," Chaudhary said.