విటుడితో పెళ్లి: ఇది సెక్స్ వర్కర్ రెండేళ్ల ప్రేమ కథ!

వ్యభిచార కూపంలో మగ్గుతున్న ఓ యువతి తన దగ్గరికి వచ్చే యువకుడితో ప్రేమలో పడింది. ఇద్దరి మనసులు కలిశాయి. దీంతో మూడుముళ్ల బంధంతో ఒక్కటవ్వాలని నిర్ణయించుకున్నారు.

న్యూఢిల్లీ: వ్యభిచార కూపంలో మగ్గుతున్న ఓ యువతి తన దగ్గరికి వచ్చే యువకుడితో ప్రేమలో పడింది. ఇద్దరి మనసులు కలిశాయి. దీంతో మూడుముళ్ల బంధంతో ఒక్కటవ్వాలని నిర్ణయించుకున్నారు. అనుకున్నదే తడవుగా వారిద్దరు వివాహం చేసుకున్నారు. ఈ ఘటన దేశ రాజధానిలో చోటు చేసుకుంది.

వివరాల్లోకి వెళితే.. జీబీ రోడ్ నెం. 68 ప్రాంతంలోని వ్యభిచార గృహంలో తను అష్టకష్టాలు పడుతుండేది. ఈ క్రమంలో తన దగ్గరకు వచ్చే యువకుడితో ప్రేమలో పడిందా యువతి. అలా రెండేళ్లు గడిచిపోయాయి. ఒక రోజు తనను ఎలాగైనా ఈ కూపం నుంచి బయటపడేయాలని అతడ్ని కోరింది.

అతనికి కూడా ఆమె అంటే ప్రేమ ఉండటంతో ఆ యువకుడు ఢిల్లీ మహిళా కమిషన్‌ను ఆశ్రయించాడు. ఈ విషయంలో మహిళా కమిషన్ చొరవ చూపడంతో ఆ యువతి వ్యభిచార కూపం నుంచి బయటపడింది. తర్వాత ఆ అమ్మాయికి అండగా నిలబడతానని ప్రమాణం చేస్తూ తన కుటుంబసభ్యులు, కమిషన్ సమక్షంలో బుధవారం ఆర్యసమాజంలో పెళ్లి ఆమెను పెళ్లి చేసుకున్నాడీ యువకుడు.

ఈ సందర్భంగా ఢిల్లీ మహిళా కమిషన్ సభ్యులు ఆ యువకుడ్ని అభినందించారు. 'ఊరికే మాటలు చెప్పేవాళ్లు చాలా మంది ఉంటారు.. నీలా చేసి చూపించేవారు తక్కువ మంది ఉంటారు' అంటూ అతడ్ని ప్రశంసించారు. జీబీ రోడ్ లోని ఇతర బాలికలను కూడా తాము కాపాడతామని ఢిల్లీ మహిళా కమిషన్ చైర్ పర్సన్ స్వాతి మలివాల్ తెలిపారు.

English summary

A man married with sex worker from gb road in delhi.