తల్లి,కూతురు స్నానం చేస్తుంటే వీడియో తీసి లైంగిక వేధింపులు

వివాహితను, ఆమె కూతురును లైంగికంగా వేధించారనే ఆరోపణలపై అరెస్టైన ఓ కానిస్టేబుల్ మూడో అంతస్థు నుండి దూకి ఆత్మహత్యకు పాల్పడ్డాడు. ఈ ఘటన కర్ణాటక రాష్ట్రంలో చోటుచేసుకొంది.

బెంగుళూరు: వివాహితను, ఆమె కూతురును లైంగికంగా వేధించారనే ఆరోపణలపై అరెస్టైన ఓ కానిస్టేబుల్ మూడో అంతస్థు నుండి దూకి ఆత్మహత్యకు పాల్పడ్డాడు. ఈ ఘటన కర్ణాటక రాష్ట్రంలో చోటుచేసుకొంది.

కర్ణాటక రాష్ట్రంలోని రేవునగరి మంగళూరు సమీప బజ్పే పోలీస్స్టేషన్ లో పనిచేసే ప్రవీణ్ కుమార్ అనే కానిస్టేబుల్ శనివారం నాడు మంగళూరు కోర్టు మూడో అంతస్థు నుండి దూకి ఆత్మహత్య చేసుకొన్నాడు.

తాను నివసం ఉండే ఇంటికి సమీపంలో పైకప్పు లేని స్నానాల గదిలో వేర్వేరు సమయాల్లో స్నానం చేస్తున్న తల్లి, కూతురు వీడియోలను తీసి వారిని లైంగికంగా వేధించాడు ప్రవీణ్ కుమార్.

తల్లి, కూతురుకు ప్రవీణ్ కుమార్ నుండి వేధింపులు తీవ్రం కావడంతో వీరిద్దరూ తమ విషయాలను ఒకరికొకరు పంచుకొన్నారు.దీంతో అసలు విషయం వెలుగుచూసింది.

బాధితులు పోలీసులను ఆశ్రయించారు. పోలీసులు ప్రవీణ్ కుమార్ ను అరెస్టు చేశారు. శనివారం నాడు మంగుళూరు న్యాయస్థానంలో హజరుపర్చారు.తిరిగి పోలీస్ స్టేషన్ కు తరలిస్తుండగా మంగళూరు న్యాయస్థానం మూడో అంతస్థు నుండి కిందకు దూకాడు ప్రవీణ్ కుమార్.

ఈ ఘటనలో ప్రవీణ్ కుమార్ తీవ్రంగా గాయపడ్డారు.ఆయనను ఆసుపత్రికి తరలించారు పోలీసులు. అప్పటికే మృతిచెందినట్టుగా వైద్యులు ప్రకటించారు.

English summary

a police constable suicide in karnataka state on saturday.praveen kumar working as police constable in bajpe police station. he recoreded nude videos of a married lady and her daughter, when they bath.praveent sexually harassed both of them,victims complianint against praveen kumar.