ఎయిర్పోర్స్లో అభినందన్ రీ ఎంట్రీ.. ఘనస్వాగతం పలికిన సహోద్యోగులు
జమ్మూ : వింగ్ కమాండర్ అభినందన్ విధుల్లో చేరారు. గాయాల నుంచి పూర్తిగా కోలుకుని ఎయిర్ఫోర్స్ నిర్వహించిన పరీక్షల్లో ఫిట్గా తేలడంతో అభినందన్ తిరిగి డ్యూటీలో జాయిన్ అయ్యారు. ఈ మేరకు జమ్మూ ఎయిర్ బేస్లో ఆయన రిపోర్ట్ చేశారు.
Welcome back Fighter💪
— Major Surendra Poonia (@MajorPoonia) May 4, 2019
Wg Cdr Abhinandan Varthaman has been discharged from hospital,declared fit to resume duties.
Buddy,Best Wishes,Fly high and fly with same passion and fighting spirit..Cheers🥂
Jai Hind🇮🇳 @IAF_MCC pic.twitter.com/kTzHJacRkO
జమ్మూ ఎయిర్ బేస్కు చేరుకున్న వింగ్ కమాండర్ అభినందన్కు సహోద్యోగులు ఘన స్వాగతం పలికారు. ఆయనను చూడగానే అందరూ చుట్టుముట్టి ప్రశంసల జల్లు కురిపించారు. అభినందన్తో సెల్ఫీలు తీసుకునేందుకు పోటీలు పడ్డారు. దాదాపు రెండు నెలల అనంతరం సహచరులను చూసిన అభినందన్ భావోద్వేగానికి లోనయ్యారు. అనంతరం సహోద్యోగులతో కలిసి ఎయిర్బేస్లో భారత్ మాతాకీ జై అంటూ నినాదాలతో హోరెత్తించారు ఈ వీడియో ప్రస్తుతం సోషల్ మీడియాలో వైరల్ అవుతోంది.
పాకిస్థాన్కు చెందిన ఎఫ్ 16 విమానాన్ని కూల్చి పాక్ భూభాగంలో శత్రు సైన్యానికి చిక్కినా భారత రహస్యాలను బయటపెట్టని వింగ్ కమాండర్ అభినందన్ పేరు దేశవ్యాప్తంగా మారుమోగింది. దాడిలో తీవ్ర గాయాలపాలైన ఆయనకు ప్రత్యేకంగా ట్రీట్మెంట్ ఇచ్చారు. అనంతరం ఎయిర్ఫోర్స్ నిర్వహించిన ఫిట్నెస్ టెస్ట్లో సక్సెస్ కావడంతో అధికారులు అభినందన్కు మళ్లీ పోస్టింగ్ ఇచ్చారు.