వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts
Oneindia App Download

‘ఆర్టికల్ 370 రద్దు’పై సుప్రీంకోర్టు రాజ్యాంగ ధర్మాసనం: 1 నుంచి విచారణ

|
Google Oneindia TeluguNews

న్యూఢిల్లీ: ఆర్టికల్ 370 రద్దుపై దాఖలైన పిటిషన్లపై విచారణకు రాజ్యాంగ ధర్మాసనం ఏర్పాటు చేసింది సుప్రీంకోర్టు. జస్టిస్ ఎన్వీ రమణ నేతృత్వంలో ఐదుగురు సభ్యులతో కూడిన ధర్మాసనాన్ని ఏర్పాటు చేసింది. వచ్చే మంగళవారం (అక్టోబర్ 1) నుంచి ఈ పిటిషన్లపై విచారణ చేపట్టనుంది ఈ ధర్మాసనం.

జమ్మూకాశ్మీర్‌కు ప్రత్యేక ప్రతిపత్తిని కల్పించే ఆర్టికల్ 370 రద్దును సవాల్ చేస్తూ దాఖలైన పటిషన్లపై ఇటీవల ప్రధాన న్యాయమూర్తి జస్టిస్ రంజన్ గొగొయ్ నేతృత్వంలోని ప్రత్యేక ధర్మాసనం విచారణ చేపట్టిన విషయం తెలిసిందే. ఈ పిటిషన్లపై విచారణ కోసం రాజ్యాంగ ధర్మాసనం ఏర్పాటు చేస్తామని ఆ సమయంలో ప్రధాన న్యాయమూర్తి తెలిపారు.

Abrogation of Article 370: SC sets up Constitution bench

ఈ నేపథ్యంలోనే జస్టిస్ ఎన్వీ రమణ నేతృత్వంలో రాజ్యాంగ ధర్మాసనం ఏర్పాటు చేశారు. ఆర్టికల్ 370 రద్దుపై దాఖలైన పిటిషన్లపై అక్టోబర్ 1 నుంచి ఈ ధర్మాసనం వాదనలు విననుంది.

జమ్మూకాశ్మీర్‌కు ప్రత్యేక ప్రతిపత్తిని కల్పించే ఆర్టికల్ 370ని రద్దు చేస్తూ ఆగస్టులో కేంద్ర ప్రభుత్వం నిర్ణయం తీసుకున్న విషయం తెలిసిందే. పార్లమెంటు ఉభయసభలు కూడా దీనికి ఆమోదం తెలిపాయి. 370 రద్దుతోపాటు రాష్ట్రాన్ని రెండు కేంద్ర పాలిత ప్రాంతాలుగా విభజిస్తున్నట్లు కేంద్ర ప్రభుత్వం నిర్ణయం తీసుకుంది.

అసెంబ్లీతో కూడిన కేంద్రపాలిత ప్రాంతంగా జమ్మూకాశ్మీర్‌ను, కేంద్ర పాలిత ప్రాంతంగా లడఖ్‌ను ఏర్పాటు చేసింది. ఈ మార్పుల కారణంగా రాష్ట్రంలో ఎలాంటి అవాంఛనీయ ఘటనలు జగరకుండా జమ్మూకాశ్మీర్ వ్యాప్తంగా ఆంక్షలు విధించింది. ప్రస్తుతం పరిస్థితులు సద్దుమణగడంతో పలు ప్రాంతాల్లో ఆంక్షలను ఎత్తివేసింది.

English summary
The Supreme Court on Saturday set up a five-judge Constitution bench headed by Justice N V Ramana which will commence hearing from October 1 on a batch of pleas mounting legal challenges to the Centre's decision to abrogate provisions of Article 370 that gave special status to Jammu and Kashmir.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X