షాకింగ్: హాల్ టికెట్పై స్టార్ హీరోయిన్ టాప్ లెస్ ఫోటో..
తన ఫోటోకు బదులు ఓ స్టార్ హీరోయిన్ టాప్ లెస్ ఫోటో దర్శనమివ్వడంతో ఆ విద్యార్థినికి ఏంచేయాలో అర్థం కాలేదు.
పాట్నా: అధికారులు చేసిన నిర్లక్ష్యపు పనికి ఏకంగా ఓ టాప్ లెస్ ఫోటో హాల్ టికెట్ లోకి ఎక్కింది. ప్రముఖ హిందీ పత్రిక ప్రభాత్ కబర్ లో ఈ కథనం రావడంతో విషయం వెలుగులోకి వచ్చింది. ఇప్పటికే ఓసారి టాపర్ల స్కామ్ లో ఇరుక్కున్న బీహార్ విద్యాశాఖనే ఇప్పుడీ ఘనకార్యాన్ని కూడా మూటకట్టుకుంది.
వివరాల్లోకి వెళ్తే.. బీహార్ స్టాఫ్ సెలక్షన్ కమిషన్(బీఎస్ఎస్ సీ) ఈ నెల 8న జారీ చేసి ఎస్ఎస్సి ఇంటర్ లెవల్ హాల్ టికెట్లలో ఈ తప్పిదం దొర్లింది. నలంద జిల్లాకు చెందిన ఓ విద్యార్థినికి ఈ హాల్ టికెట్ అందింది. హాల్ టికెట్ తీసుకున్న అనంతరం దానిపై టాప్ లెస్ ఫోటోను చూసిన విద్యార్థిని ఒక్కసారిగా షాక్ కు గురైంది.
తన ఫోటోకు బదులు ఓ స్టార్ హీరోయిన్ టాప్ లెస్ ఫోటో దర్శనమివ్వడంతో ఆ విద్యార్థినికి ఏంచేయాలో అర్థం కాలేదు. హాల్ టికెట్ పైన ఫస్ట్ ఇంటర్ లెవల్ కంబైన్డ్ కాంపీటీటివ్ ఎగ్జామ్-2014 అని ఉంది. జనరల్ నాలెడ్జ్ పేపర్ అడ్మిట్ కార్డులో ఈ టాప్ లెస్ ఫోటోను ముద్రించారు. దీనిపై అధికారుల నుంచి ఎలాంటి స్పందన లేకపోగా.. ఆ హాల్ టికెట్ మాత్రం సోషల్ మీడియాలో వైరల్ గా మారిపోయింది.