యజమానులను కాపాడేందుకు.. నాగుపాముతో భీకరంగా పోరాడిన శునకం

తన యజమానులను రక్షించేందుకు నాగుపాముతో తలపడటమే కాక, దాంతో వీరోచితంగా పోరాడి పామును చంపి, తనూ ప్రాణాలు వదిలింది ఓ శునకం.

ఎర్నాకుళం : విశ్వాసం, విధేయతకు మారుపేరైన ఓ జాగిలం ఓ నాగుపాముతో పోరాడిన వార్త సోషల్ మీడియాలో ప్రస్తుతం వైరల్ గా మారింది. ఆ నాగుపాము బారినుంచి తన యజమానులను రక్షించేందుకు వీరోచితంగా పోరాడి ఆపైన పాము కాటుకు గురై ప్రాణాలు వదిలింది.

కేరళ రాష్ట్రంలోని ఎర్నాకుళం జిల్లాలో ఈ ఘటన వెలుగు చూసింది. ఎర్నాకుళంలోని పెరంబవూరులో నివసించే ప్రభుత్వ మాజీ అధికారి గంగాధరన్ దంపతులు నెలరోజుల వయసున్న ఓ కుక్కపిల్లను తమ ఇంటికి తీసుకొచ్చుకుని, దానికి మౌళి అని పేరు పెట్టి పెంచుకోసాగారు.

ఇటీవల ఓ రోజు వారు ఇంట్లో ఉండగా ఐదు అడుగుల పొడవున్న పెద్ద నాగుపాము ఇంట్లోకి ప్రవేశించింది. దీన్ని గమనించిన మూడేళ్ల వయసున్న వారి పెంపుడు కుక్క మౌళి ధైర్యంగా ఆ నాగుపామును నిలువరించింది.

దాని అరుపులకు నిద్రలేచిన గంగాధరన్ దంపతులు బయటికి వచ్చేందుకు ప్రయత్నించగా మౌళి వారిని అడ్డుకుంది. పరుగుపరుగున పోయి ఆ నాగుపాముతో తలపడింది. దాదాపు అరగంట సేపు పామును నిలువరించిన మౌళి చివరికి దాంతో పోరాటానికి దిగింది.

మూడు నిమిషాలపాటు జరిగిన పోరాటంలో చివరికి అది నాగుపామును చంపేసింది. కానీ ఆ పోరాటంలో పాము కాటుకు గురై అది కూడా ప్రాణం వదిలింది. ముచ్చట పడి తన యజమానులు తనను పెంచుకున్నందుకు తన ప్రాణాలు ఫణంగా పెట్టి తన విశ్వాసాన్ని నిరూపించుకుంది మౌళి. ఈ ఘటన అంతర్జాలంలో వైరల్ గా మారింది.

English summary

A pet dog -- Mouli -- proved it too. Mouli, a Dash, spotted a cobra that was trying to enter his house in Perumbavur in Kerala's Ernakulam district and decided to stop it. Nangelil Gangadharan, a retired government official, had adopted Mouli three years ago when he was just a month old. Gangadharan and his wife Vimala are the only residents of the house and that Mouli, now three years old, has been guarding them for a long time now. Waking up to Mouli barking in an unusual way, the couple tried to step out of the house to see what's going on. But a barking Mouli stopped him from stepping out and ran back to take the cobra he had spotted head on.