‘‘నేనేం విలన్ కాదు.. మీకు తెలిసింది కొంతే.. అసలేం జరిగిందో అక్కడ వెల్లడిస్తా..’’

శివసేన ఎంపీ రవీంద్ర గైక్వాడ్ త్వరలోనే తన దురుసు ప్రవర్తనపై పార్లమెంట్ లో వివరణ ఇచ్చుకోబోతున్నారు.

న్యూఢిల్లీ: ఎయిర్ ఇండియా మేనేజర్ పై చేయి చేసుకుని, నిషేధానికి గురై, విమాన ప్రయాణానికి దూరమైన శివసేన ఎంపీ రవీంద్ర గైక్వాడ్ త్వరలో ఈ ఉదంతం గురించి వివరణ ఇచ్చుకోబోతున్నారు.

వచ్చే పార్లమెంట్ సమావేశాల్లో ఆయన తన చర్యను గట్టిగా సమర్థించుకునేందుకు సమాయత్తమవుతున్నారు. అసలు తీను చేయి చేసుకోవడానికి దారితీసిన కారణాలు, ఆ తరువాత జరిగిన పరిణామాలను ఆయన లోక్ సభలో వివరించే అవకాశం ఉన్నట్లు అత్యంత సన్నిహిత వర్గాల ద్వారా తెలుస్తోంది.

జరిగినదంతా తొలుత లోక్ సభలో వివరించిన తరువాతనే రవీంద్ర గైక్వాడ్ మీడియాను కలిసి మరోసారి వివరణ ఇస్తారని ఎంపీ సన్నిహిత వర్గాలు పేర్కొంటున్నాయి. తానేమీ విలన్ కాదని, ఇప్పటి వరకు అందరికీ తెలిసింది ఒకవైపు కథ మాత్రమేనని, తెలియాల్సింది చాలా ఉందని, అది పార్లమెంటులోనే వెల్లడిస్తానని మీడియాతో ఆయన వ్యాఖ్యానించారట.

ఎయిర్ ఇండియా విమానంలోకి ఎక్కిన రవీంద్ర గైక్వాడ్ ఆ సంస్థ మేనేజర్ తో గొడవపడి ఆయన్ని 25 సార్లు చెప్పుతో కొట్టినట్లు ఆరోపణలు వచ్చిన విషయం తెలిసిందే. ఆ మేనేజర్ ఎయిర్ ఇండియాకు ఫిర్యాదు చేయడంతో ఇప్పటికి నాలుగుసార్లు రవీంద్ర గైక్వాడ్ విమానంలో ప్రయాణించకుండా ఆ సంస్థ చర్యలు తీసుకుంది.

English summary

Beleaguered Shiv Sena MP Ravindra Gaikwad is expected to attend Lok Sabha proceedings later this week where he may present his side of the story in the House about assaulting an Air India official. “Gaikwad will attend Parliament session either on Thursday or Friday,” a source close to the Shiv MP from Osmanabad told PTI. “He will first present his side of the story in the House and only then will appear before media,” the source said. Gaikwad was on March 24 barred from flying by four private Indian carriers and Air India after his brazen assault on an official of the national carrier. The source said Sena president Uddhav Thackeray had suggested to Gaikwad to keep away from media after the infamous episode.