స్మార్ట్‌ఫోన్ వాపస్ చేస్తే 'అమెజాన్' డబ్బులు తిరిగివ్వదు

న్యూఢిల్లీ: ఈ కామర్స్ దిగ్గజం అమెజాన్‌లో ఫోన్ కొనుగోలు చేసి, దానిని తిరిగి ఇస్తే ఇక నుంచి ఆ సంస్థ డబ్బులు తిరిగి చెల్లించదు. ఎవరైనా స్మార్ట్‌ఫోన్‌ను అమెజాన్‌ ఇండియా వెబ్‌సైట్‌లో కొనుగోలు చేశాక, అది నచ్చక వాపస్‌ చేస్తానంటే ఇక మీదట కుదరదు.

రిటర్న్‌ పాలసీలో (తిరిగి ఇచ్చే విషయంలో) ఆ సంస్థ కొన్ని మార్పులు చేసింది. దీని ప్రకారం వస్తువు బాగా లేకుంటే, దెబ్బతింటే, మరో వస్తువు డెలివరీ అయితేనే డబ్బులు చెల్లిస్తామని పేర్కొంది. ఫిబ్రవరి 7 నుంచి ఇది అమలులోకి వచ్చింది.

పాత రిటర్న్‌ పాలసీ ప్రకారం 7 నుంచి 30 రోజులలోపు వస్తువు నచ్చకపోతే అమెజాన్‌ సొమ్ము వాపస్‌ చేసేది. ప్రస్తుత విధానంలో ఇది కుదరదు. రిటర్న్‌ పాలసీలో ఉన్న వస్తువుల వివరాలను ఆ సంస్థ ప్రత్యేక పేజీలో పొందుపరిచింది.

English summary

Amazon has announced that it will no longer be accepting returns for smartphone purchases in India.