ప్రేమ పేరుతో రష్యా యువతిని తల్లిని చేసిన ఆంధ్రప్రదేశ్ యువకుడు, మాయం, చివరికి!
బెంగళూరు: పెళ్లి చేసుకుంటానని నమ్మించి విదేశీ యువతిని మోసం చేసిన ఆంధ్రప్రదేశ్ కు చెందిన యువకుడిని కర్ణాటకలోని దక్షిణ కన్నడ జిల్లా, కారవార పోలీసులు అరెస్టు చేశారు. ఆంధ్రప్రదేశ్ కు చెందిన కిరణ్ అనే యువకుడిని అరెస్టు చేసి విచారణ చేస్తున్నారు.
రష్యాకు చెందిన యువతి రెండు సంవత్సరాల క్రితం దక్షిణ కన్నడ జిల్లా చేరుకుని గోకర్ణలోని ఓ రిసార్టులో నివాసం ఉంటున్నది. రష్యా యువతిని కిరణ్ పరిచయం చేసుకున్నాడు. రష్యా యువతితో కిరణ్ సన్నిహితంగా ఉన్నాడు.
పెళ్లి చేసుకుంటానని రష్యా యువతిని నమ్మించిన కిరణ్ ఆమెతో లైంగిక సంబంధం పెట్టుకున్నాడు. రష్యా యువతి గర్బవతి అయ్యింది. కిరణ్ కారణంగా రష్యా యువతికి బిడ్డ పుట్టింది. బిడ్డ పుట్టిన తరువాత పెళ్లి చేసుకోవడానికి కిరణ్ నిరాకరించాడు.
ఊరికి వెళ్లి వస్తానని కిరణ్ మాయం అయ్యాడు. కిరణ్ మోసం చేశాడని బాధితురాలు రెండు నెలల క్రితం కారవార మహిళా పోలీస్ స్టేషన్ లో ఫిర్యాదు చేసింది. రెండు నెలల నుంచి కిరణ్ కోసం గాలించిన పోలీసులు చివరికి అతన్ని ఆంధ్రప్రదేశ్ లో గుర్తించి అరెస్టు చేసి కారవార తీసుకువచ్చారు. కిరణ్ ను కోర్టులో హాజరుపరిచి విచారణ చేస్తున్నామని పోలీసులు తెలిపారు.