కలకలం: ముఖ్యమంత్రిగా ఆనందీబెన్ పటేల్ రాజీనామా!
అహ్మదాబాద్: ఆనందీ బెన్ పటేల్ సోమవారం నాడు గుజరాత్ ముఖ్యమంత్రి పదవికి రాజీనామా చేశారు. ఆనందీ బెన్ పటేల్ రాజీనామాతో రాజకీయ కలకలం చెలరేగింది. తనకు ఆరోగ్యం మీద పడిందనే కారణంతో ఆమె బీజేపీజాతీయ అధ్యక్షులు అమిత్ షాకు రాజీనామాను సమర్పించారు.
ఆమె బీజేపీ అధ్యక్షుడికి రాజీనామా పంపినంత మాత్రాన సీఎం పదవికి రాజీనామా చేసినట్లు కాదు. ఆమె రాజీనామా సమర్పించడం పైన అమిత్ షా స్పందించారు. బీజేపీ పార్లమెంటరీ బోర్డులో చర్చించి, ఆమె రాజీనామా పైన నిర్ణయం తీసుకుంటామని చెప్పారు
కొద్ది రోజుల క్రితం గుజరాత్లో నలుగురు దళితులను గోరక్షక దళ్ చితకబాదిన విషయం తెలిసిందే. ఈ నేపథ్యంలో రాష్ట్రం అట్టుడుకుతోంది. అహ్మదాబాదులో దళితులు పెద్ద ఎత్తున నిరసన తెలిపారు. రాష్ర ప్రభుత్వం నిందితుల పైన కఠిన చర్యలు తీసుకోవాలని డిమాండ్ చేశారు. దళితల పై దాడి నేపథ్యంలో ఆనందీ రాజీనామా చర్చనీయాంశంగా మారింది.