యువతిని చెవిపట్టి లాగి అసభ్యంగా ప్రవర్తించిన ఎస్ ఐ
పోకిరీల నుండి యువతులను , మహిళలను వేధింపుల నుండి రక్షించాల్సిన ఓ పోలీసే వారిపై తీవ్ర వేధింపులకు పాల్పడ్డాడు.ఈ ఘటనకు పాల్పడిన పోలీసు అదికారిపై బదిలీ వేటేసింది ఉత్తర్ ప్రదేశ్ సర్కార్.
ఆగ్రా:పోకిరీల నుండి యువతులను , మహిళలను వేధింపుల నుండి రక్షించాల్సిన ఓ పోలీసే వారిపై తీవ్ర వేధింపులకు పాల్పడ్డాడు.ఈ ఘటనకు పాల్పడిన పోలీసు అదికారిపై బదిలీ వేటేసింది ఉత్తర్ ప్రదేశ్ సర్కార్.
యువతులు , మహిళలపై ఎలాంటి వేధింపులు జరగకుండా చూసేందుకు ఉత్తర్ ప్రదేశ్ ముఖ్యమంత్రి యోగి ఆదిత్యానాధ్ యాంటీ రోమియో పోలీసు బృందాలను క్రియాశీలకం చేశాడు.
ముఖ్యమంత్రిగా బాధ్యతలు స్వీకరించిన తర్వాత యోగి అమ్మాయిలపై వేధింపులకు పాల్పడేవారిపై చర్యలు తీసుకోవాలని ఆదేశాలు జారీ చేశాడు.
మోయిన్ పూరికి చెందిన ఎస్సై రామ్ నరేష్ యాదవ్ యాంటీ రోమియో డ్రైవ్ లో భాగంగా లోహియాలోని ఓ పార్క్ వద్దకు వెళ్ళాడు. అక్కడ ఓ అమ్మాయిని వేధించాడు. ఆమె చెవులు పట్టి లాగుతూ అసభ్యంగా ప్రవర్తించాడు.
అతడితో ఉన్న మహిళా కానిస్టేబుళ్ళు అక్కడ ఉన్న అమ్మాయిలపై అరుస్తూ పార్క్ ల చుట్టూ తిరగకుండా ఇంటికి వెళ్ళిపోండంటూ హెచ్చరించాడు.ఈ సంఘటనకు సంబంధించిన వీడియో ఒకటి బయటకు వచ్చింది. ఈ వీడియో వైరల్ గా మారింది. దీంతో అతడిని వెంటనే పోలీస్ లైన్స్ కు బదిలీ చేశారు. దీనిపై విచారణ జరిపి ఆయననను బదిలీ చేశారు.