కోహ్లీ తర్వాత..: పోకేమాన్ పిచ్చిలో పడిన అనుష్క!
ముంబై: ప్రపంచాన్ని పిచ్చెక్కిస్తున్న పోకేమాన్ గో ఆట సెలబ్రిటీలను కూడా వదలడం లేదు. భారత దేశంలోకి ఇంకా అధికారికంగా రాకపోయినప్పటికీ కొందరు దీనిని డౌన్ లోడ్ చేసుకొని ఆడుతున్నారు. ఈ పోకేమాన్ గోకు బాలీవుడ్ నటి అనుష్క శర్మ కూడా ఫిదా అయిపోయింది.
బయటకు వెళ్లి పోకేమాన్లను వెతికి పట్టుకోవడంలో ఎంతో ఆనందం ఉందని, ఈ గేమ్ తనకు చాలా ఇష్టంగా ఉందని ఆమె చెబుతోంది. వేటాడేందుకు వెళ్లిన వారిలా.. పోకేమాన్లను పట్టుకోవడానికి వెళ్లడం అద్భుతంగా ఉందని చెబుతోంది.
ఇటీవలే ఆమె నటించిన సుల్తాన్ సినిమా అద్భుత విజయం సాధించింది. ఇప్పుడు అనుష్క పోకేమాన్లను పట్టుకునే పనిలో పడిందట.
స్వయంగా ఆమె ఓ వీడియోను అప్ లోడ్ చేసింది. అందులో అనుష్క శర్మ బ్లాక్ టాప్లో ఉంది. ఆమె తన ఫోన్లో పోకేమాన్లను పట్టుకునేందుకు ఆసక్తి చూపినట్లుగా ఉంది. కాగా, కొద్ది రోజుల క్రితం బాలీవుడ్ నటుడు షారుక్ ఖాన్ పోకేమాన్ల గురించి ట్వీట్ చేశారు.