పుల్వామాలో తుపాకుల మోత.. నలుగురు సైనికులు మృతి
పుల్వామా : కశ్మీర్ పుల్వామా ఉగ్రదాడిలో 40 మందికి పైగా జవాన్లు ప్రాణాలు కోల్పోయారు. దీంతో దేశవ్యాప్తంగా విషాదం నెలకొంది. ఆ ఘటన నుంచి ఇంకా తేరుకోకముందే.. కశ్మీర్ లో మళ్లీ అలజడి రేగింది. పుల్వామా జిల్లాలోని పింగ్లాన్ ఏరియాలో ముష్కరులు మరోసారి పంజా విసిరారు. సైన్యానికి, ఉగ్రవాదులకు మధ్య జరిగిన ఎదురుకాల్పుల్లో ఆర్మీ మేజర్ తో పాటు ముగ్గురు జవాన్లు నెలకొరిగారు. మరొకరికి తీవ్రగాయాలయ్యాయి. ఇంకా కాల్పులు కొనసాగుతున్నట్లు సమాచారం.
Visuals: The 4 Army personnel including a Major, who were killed in action during encounter between terrorists and security forces, in Pinglan area of Pulwama district, belonged to 55 Rashtriya Rifles. #JammuAndKashmir (Visuals deferred by unspecified time) pic.twitter.com/Wa2sxz3bzT
— ANI (@ANI) February 18, 2019
పుల్వామా ఉగ్రదాడి నేపథ్యంలో భారత సైన్యం మరింత అప్రమత్తమైంది. ఆ క్రమంలో ఉగ్రవాదుల వేటలో మరో నలుగురు ప్రాణాలు కోల్పోవాల్సి వచ్చింది. టెర్రరిస్టులు ఓ ప్రాంతంలో దాక్కున్నారన్న సమాచారంతో సీఆర్పీఎఫ్ బలగాలతో పాటు ఆర్మీ సిబ్బంది సోదాలు చేపట్టారు. ఈ నేపథ్యంలో ఉగ్రవాదులు కనిపించడంతో ఎదురుకాల్పులు జరిగాయి. ముష్కరుల దాడితో సైనికులు మృత్యువాత పడ్డారు.