• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

ఆశారాం బాపు నా భర్త: కోర్టు వద్ద మహిళ అరుపులు

By Pratap
|

జోధ్‌పూర్: నకిలీ బాబా ఆశారాం బాపు విషయంలో వింత సంఘటన చోటు చేసుకుంది. లైంగిక దాడి కేసులో అరెస్టయిన ఆశారాం బాపును సోమవారం కోర్టుకు తీసుకుని వచ్చినప్పుడు ఈ సంఘటన చోటు చేసుకుంది. ఆశారాం తన భర్త అంటూ ఓ మహిళ కోర్టు వద్ద కేకలు పెట్టింది.

ఓ మహిళ కోర్టు అవరణలోకి వచ్చి ఆశారాం తన భర్త అంటూ కేకలు వేయడం ప్రారంభించిందని, ఆశారాం రాజస్థాన్‌లోని నాగౌర్ జిల్లా లద్నూ ప్రాంతంలో తనను వివాహం చేసుకున్నాడని ఆమె అన్నట్లు చెబుతున్నారు.

Asaram is my husband, woman claims in court

ఆ మహిళను పోలీసులు బయటకు తీసుకుని వెళ్లారు. అయితే, ఆశారాం ఆమె మాటలను ఖండించారు. కాగా, ఆశారాంపై పెట్టిన అత్యాచారం కేసుపై విచారణను కోర్టు ఓ రోజుకు వాయిదా వేసింది. నిరుడు ఆగస్టు 15వ తేదీన జోధ్‌పూర్‌లోని తన ఆశ్రమంలో 15 ఏళ్ల అమ్మాయిపై అత్యాచారం చేసినట్లు కేసు నమోదైన విషయం తెలిసిందే.

ఆ కేసులో విచారణ సోమవారం ప్రారంభమైంది. ఎఫ్ఐఆర్ పెట్టడానికి సాక్ష్యంగా భావిస్తున్న వీడియో క్లిప్పును బయటపెట్టాలనే డిమాండ్‌ను బాధితురాలి తరఫు న్యాయవాది వ్యతిరేకించారు. వీడియో క్లిప్పును బయటపెడితే బాధితురాలు ఎవరనేది తెలుస్తుందని ఆయన అన్నారు.

English summary

 An elderly woman claimed that Asaram was her husband as the self-styled godman was brought into a Jodhpur court on Monday for hearing in a rape case.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X