కాలేజ్ అమ్మాయిలకు రాసలీలల పాఠాలు, మరో ప్రొఫసర్ మీద వేటు, సిండికేట్ కమిటీ!
చెన్నై: తమిళనాడుతో పాటు దేశ వ్యాప్తంగా సంచలనం సృష్టించిన యూనివర్శిటీ ప్రొఫెసర్లు, కాలేజ్ అమ్మాయిల సెక్స్ స్కాం కేసులో సీబీసీఐడీ అధికారులు విచారణ ముమ్మరం చేశారు. కాలేజ్ అమ్మాయిలను సరఫరా చేయించుకుంటున్నారని సీబీసీఐడి అధికారులు అరెస్టు చేసిన అసిస్టెంట్ ప్రొఫెసర్ మురుగన్ ను సస్పెండ్ చేస్తూ గురువారం సిండికేట్ కమిటీ ఆదేశాలు జారీ చేసింది.
Recommended Video
సిండికేట్ కమిటి
మదురై కామరాజర్ యూనివర్శిటీలో మురుగన్ అసిస్టెంట్ ప్రొఫెసర్ గా ఉద్యోగం చేస్తున్నారు. నిర్మలా దేవితో సంబంధాలు ఉన్నాయని మురుగన్ ను అరెస్టు చేశారు. గురువారం మదురై కామరాజర్ యూనివర్శిటీ సిండికేట్ కమిటీ అత్యవసర సమావేశం నిర్వహించి మురుగన్ ను సస్పెండ్ చెయ్యాలని నిర్ణయించి ఆదేశాలు జారీ చేశారు.
నిర్మలా దేవి కథ ఏంది!
గురువారం మదురై కామరాజర్ యూనివర్శిటీ సిండికేట్ కమిటీ అత్యవసర సమావేశం నిర్వహించి విరూద్ నగర్ జిల్లా మరుప్పుకోటైలోని దేవాంగర్ ఆర్ట్స్ అండ్ సైన్స్ కాలేజ్ అసిస్టెంట్ ప్రొఫెసర్ నిర్మలా దేవి (సస్పెండ్ చేశారు) వ్యవహారంపై చర్చించారు.
కాలేజ్ అమ్మాయిలకు ఎర
మదురై కామరాజర్ యూనివర్శిటీలోని కొందరు పెద్దలకు లైంగిక సుఖం ఇవ్వాలని, ప్రతిఫలంగా వారు మీకు డబ్బులు ఇచ్చి పరీక్షల్లో మంచి మార్కులు వేస్తారని నిర్మలా దేవి తీవ్రస్థాయిలో ఒత్తిడి తీసుకు వచ్చారని ఆరోపణలు వచ్చాయి.
సిండికేట్ కమిటీలో ఉన్నారా?
మదురై కామరాజర్ యూనివర్శిటీ సిండికేట్ కమిటీలో ఎవరైనా అమ్మాయిలను సరఫరా చేయించుకున్నారా అని చర్చకు వచ్చిందని సమాచారం. అయితే యూనివర్శిటీ పెద్దల సమావేశం కావడంతో వాటి పూర్తి వివరాలు బయటకు రాకుండా జాగ్రత్తలు తీసుకున్నారు.