• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

అతను వ్యోమగామి కాదు..అది చంద్రుడి ఉపరితలం కాదు గానీ.. నగర రోడ్ల దుస్థితి!

|

బెంగళూరు: ఇప్పుడు మీరు చూస్తోన్న ఈ ఫొటోలో గానీ, వీడియోలో గానీ కనిపిస్తున్నది వ్యోమగామి అని, ఆయన నడుస్తున్నది ఏ చంద్రమండలమో లేక అంగారక గ్రహమో అనుకుంటే పొరపడినట్టే. ఆయన వ్యోమగామి కాదు.. అది అంతరిక్ష యానం అంతకంటే కాదు. అచ్చంగా బెంగళూరు నగర రోడ్లు. దారుణంగా మట్టి కొట్టుకునిపోయి, గుంతలు పడి, చంద్రుడి ఉపరితలాన్ని తలపిస్తోన్న సిలికాన్ సిటీ ఆఫ్ ఇండియాలోని రోడ్ల పరిస్థితి అది. రోడ్ల మీద అడుగులోతు గుంతలు పడ్డాయని, వాటిని బాగు చేయండని ఎన్నిసార్లు మొరపెట్టుకున్నా మన అధికారుల చెవికి ఎక్కదు. అందుకే- త్రీడీ పెయింటర్ గా దేశవ్యాప్తంగా గుర్తింపు తెచ్చుకున్న బెంగళూరు వాసి బాదల్ నంజుండస్వామి చేసిన స్పేస్ వాక్ అది.

అభినందన్ ఈజ్ బ్యాక్: గగనతలంలోకి దూసుకెళ్లిన వింగ్ కమాండర్..ఎయిర్ చీఫ్ మార్షల్ తో కలిసి!

బెంగళూరు మార్థహళ్లి పరిసర ప్రాంతాల్లో ఆయన ఈ వీడియోను చిత్రీకరించినట్లు చెబుతున్నారు. వ్యోమగామిలా దుస్తులను ధరించిన ఆయన.. గుంతలు పడి, వాహనదారులకు నరకాన్ని చూపుతున్న రోడ్లపై ఇలా మూన్ వాక్ చేశారు. లైటింగ్ ఎఫెక్ట్ కోసం రాత్రిపూట ఈ వీడియోను చిత్రీకరించారు. ఇటీవల బెంగళూరులో కురిసిన భారీ వర్షాల ధాటికి రోడ్లు ఛిన్నాభిన్నమైపోయాయి. దారుణంగా తయారయ్యాయి. వాహనదారులకు నరకాన్ని చూపిస్తున్నాయి. దీనిపై పలువురు కాలనీ సంఘాల ప్రతినిధులు బృహన్ బెంగళూరు నగర పాలికె (బీబీఎంపీ) అధికారులు, స్థానిక కార్పొరేటర్ల దృష్టికి తీసుకెళ్లినప్పటికీ ఉపయోగం లేకుండా పోయింది. దీనితో ఈ సారి బాదల్ నంజుండస్వామి రంగంలోకి దిగారు. తనదైన శైలిలో త్రీడీ పెయింట్ తో గుంతలు పడ్డ రోడ్డును చంద్రుడి ఉపరితలంలా మార్చేశారు.

Astronaut walks on surface not on moon But in Bengaluru path holes road

వ్యోమగామిలా దుస్తులు ధరించి, అతి జాగ్రత్తగా అడుగులు వేస్తూ అచ్చం చంద్రుడిపై నడుస్తున్న అంతరిక్ష పరిశోధకుడిలా కనిపించారాయన. ఓ సాధారణ సామాజిక అంశానికి తన సృజనాత్మకను జోడించి, ఓ 55 సెకెన్ల నిడివి ఉన్న వీడియోను చిత్రీకరించారు. దీన్ని సోషల్ మీడియాలో పోస్ట్ చేశారు. అది కాస్త వైరల్ గా మారింది. బీబీఎంపీ అధికారులకు ఈ వీడియోను ఆయన ట్యాగ్ చేశారు. బీబీఎంపీ అధికారుల నిర్లక్ష్యం, గుంతలు పడ్డ రోడ్లపై త్రీడీ పెయింటింగులను వేసి, వాటిని అధికారుల దృష్టిని ఆకర్షించేలా చేయడం బాదల్ నంజుండస్వామికి కొత్తేమీ కాదు. ఇదివరకు బెంగళూరులోనే గుంతుల పడ్డ రోడ్లను సముద్రాలుగా చిత్రీకరించిన ఘనత ఆయన సొంతం. మత్స్యకన్యలు, మొసళ్లను సైతం ఆయన తన కుంచె నుంచి జాలువార్చారు. సమస్య సత్వర పరిష్కారానికి తనవంతు కృషి చేశారు.

English summary
Painter Baadal Nanjundaswamy recreated a scenario of an astronaut walking on the surface of the moon filled with craters on a Bengaluru street replete with potholes to depict the poor infrastructure in the city. Nanjundaswamy represented the scenario through his stunning 3D street art in a 56-second video and shared it on Facebook. An astronaut appears to walk on the moon layered with craters in the video and as the camera zooms into the scenario, you will see that the backdrop is actually a street in Bengaluru filled with potholes. An auto drives past the street that hosts what appears to be residential buildings and shops on the other side.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more
X