నోట్ల రద్దు: మోడీ అభిమాని ఆటో డ్రైవర్ సాధిక్ సాయం

న్యూఢిల్లీ: రూ.500, రూ.1000 నోట్ల రద్దుతో సామాన్య ప్రజలు తీవ్రంగా ఇబ్బంది పడుతున్నారు. ప్రధాని నరేంద్ర మోడీ నోట్ల రద్దు ప్రకటించి దాదాపు పది రోజులు అవుతోంది. నోట్ల మార్పిడికి జనాలు బ్యాంకులు, ఏటీఎంల వద్ద వరుస కడుతున్నారు.

హఠాత్తుగా పెద్ద నోట్ల రద్దు ప్రకటన రావడంతో ప్రజలు ఇబ్బంది పడటాన్ని గుర్తించిన ఓ మోడీ అభిమాని అయిన ఆటో డ్రైవర్ తన వంతు సాయంగా కొందరికి సాయం చేసేందుకు ముందుకు వచ్చారు. ఆయన ఇప్పుడు అందరి అభిమానాలను చూరగొంటున్నారు.

నోట్లు మార్చుకోవడానికి, పాత కరెన్సీని డిపాజిట్ చేసేందుకు ప్రజలు పడిగాపులు కాస్తున్న విషయం తెలిసిందే. అందుకే సదరు ఆటో డ్రైవర్ సాయం చేసేందుకు ముందుకు వచ్చారు. ఆ మోడీ అభిమాని పేరు సాధిక్.

డబ్బు డిపాజిట్ చేయడానికి లేదా మార్చుకోవడానికి బ్యాంకుల వద్దకు వెళ్లే వారిని తన ఆటోలో ఉచితంగా సేవలు అందిస్తున్నాడు. కర్నాటకలోని మంగళూరుకు చెందిన సాధిక్.. ఆటో నడిపిస్తూ ఉపాధి పొందుతున్నాడు.

పెద్ద నోట్ల రద్దుపై కొందరు విమర్శలు చేస్తున్నారు. చాలామంది ప్రజలు మాత్రం స్వాగతిస్తున్నారు. ఆర్థిక వేత్తలు కూడా స్వాగతిస్తున్నారు. అయితే ప్రజలు ఇబ్బంది పడుతుంటే.. చూడలేక మోడీ అభిమాని అయిన సాధిక్ తనకు చేతనైన సాయం చేయాలని భావించాడు.

English summary

At a time when people are waiting outside banks, ATMs, post offices to exchange notes of Rs 500/1000 in long queues post the government’s demonetisation move, there are others who in such a time are helping out the needy ones.