• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

అసోంలో దెబ్బ.. హిమంత విశ్వశర్మపై ఈసీ వేటు, ప్రచారం నిషేధం

|

అసోంలో బీజేపీకి ఎదురుదెబ్బ తగిలింది. పార్టీ కీలక నేత, స్టార్‌ క్యాంపెయినర్‌ హిమంత విశ్వ శర్మపై ఎన్నికల సంఘం రెండురోజులపాటు వేటు వేసింది. ప్రచారంలో పాల్గొనడంపై నిషేధం విధించింది. శుక్రవారం నోటీసులు జారీ చేసింది. శుక్రవారం రాత్రి నుంచే అమల్లోకి రానన్నాయని స్పష్టం చేసింది. హిమంత విశ్వ శర్మ ఇటీవల జరిగిన ఓ సభలో బోడోలాండ్‌ నేత హంగ్రామా మొహిలరీకి జైలు శిక్ష తప్పదని హెచ్చరించారు.

 ban on himantha biswa sharma campaign

కోక్రాజర్‌లో పోలీసులు స్వాధీనం చేసుకున్న ఆయుధాల కేసుని ఎన్ఐ‌ఏకి అప్పగించామని తెలిపారు. హంగ్రామా సహా బోడోలాండ్‌ ప్రాంతంలో ఎవరూ అలజడులు సృష్టించడం సహించబోమని వ్యాఖ్యానించారు. ఇది జరిగిన రెండు రోజుల తర్వాత శర్మపై కాంగ్రెస్‌ నేతలు ఎన్నికల సంఘానికి ఫిర్యాదు చేశారు. మొహిలరీని జైలుకు పంపుతామని బహిరంగంగా బెదిరించారని తెలిపారు. ఈ నేపథ్యంలో వెంటనే ఆయనపై చర్యలు తీసుకోవాలని కోరారు. దీనిని పరిశీలించిన ఎన్నికల సంఘం శర్మకు షోకాజ్ నోటీసులు జారీ చేసింది.

దీనికి సంబంధించి హిమంత ఇచ్చిన సమాధానంతో ఈసీ సంతృప్తి చెందలేదు. దీంతో రెండు రోజుల నిషేధం విధించాలని నిర్ణయించింది. 126 స్థానాలు ఉన్న అసోంలో మార్చి 27న తొలి విడత, ఏప్రిల్‌ 1న రెండో విడత పోలింగ్‌ పూర్తయింది. ఏప్రిల్ 6న మూడో దశ పోలింగ్‌ జరగనుండగా.. మే 2న ఫలితాలు వెలువడతాయి.

English summary
ban on himantha biswa sharma campaign by ec for threatening of jail.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X