వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts
Oneindia App Download

అంతర్జాతీయ విమాన సర్వీసులపై నిషేధం... అక్టోబర్ 31 వరకు పొడగింపు...

|
Google Oneindia TeluguNews

అంతర్జాతీయ విమాన సర్వీసులపై నిషేధాన్ని కేంద్ర ప్రభుత్వం అక్టోబర్ 31 వరకు పొడగించింది. అయితే డైరెక్టోరేట్ జనరల్ ఆఫ్ సివిల్ ఏవియేషన్ అనుమతించిన ఇంటర్నేషనల్ కార్గో విమానాలకు మాత్రం ఇది వర్తించదు. ఈ మేరకు బుధవారం(సెప్టెంబర్ 30) కేంద్ర పౌర విమానయాన మంత్రిత్వ శాఖ ఒక ప్రకటన విడుదల చేసింది. కేంద్ర హోంమంత్రిత్వ శాఖ అన్‌లాక్ 5 మార్గదర్శకాలను జారీ చేసిన కొద్దిసేపటికే విమానయాన శాఖ నుంచి కూడా ప్రకటన వెలువడింది.

Recommended Video

DGCA ఉత్తర్వులు.. అక్టోబర్ 31 వరకు అంతర్జాతీయ విమాన సర్వీసులు బ్యాన్ ! || Oneindia Telugu

తాజా ఉత్తర్వులపై డీజీసీఏ చీఫ్ అరుణ్ కుమార్ మాట్లాడుతూ... పూర్తి స్థాయిలో అంతర్జాతీయ విమాన సర్వీసుల పునరుద్దరణ ప్రపంచవ్యాప్తంగా నెలకొన్న కరోనా పరిస్థితులపై ఆధారపడి ఉందన్నారు. ఇప్పటికీ చాలా దేశాలు క్వారెంటైన్ జాగ్రత్తలు పాటిస్తూనే ఉన్నాయని... కాబట్టి అంతర్జాతీయ విమాన సర్వీసుల పునరుద్దరణకు మరికొంత కాలం పట్టవచ్చునని చెప్పారు.

ban on international flights extends till October 31 Ministry of Civil Aviation

చివరిసారిగా అగస్టు 26న అంతర్జాతీయ విమాన సర్వీసులపై విమానాయాన శాఖ ఉత్తర్వులు జారీ చేసిన సంగతి తెలిసిందే. సెప్టెంబర్ 30 వరకూ నిషేధాన్ని కొనసాగిస్తున్నట్లు అప్పటి ఉత్తర్వుల్లో పేర్కొన్నారు. తాజా ఉత్తర్వులతో దాన్ని మరో నెల రోజులకు పొడగించారు.

కరోనా వ్యాప్తితో మార్చి 23 నుంచి దేశంలో అంతర్జాతీయ విమాన సర్వీసులపై నిషేధం విధించారు. అయితే విదేశాల్లో చిక్కుకుపోయిన భారతీయులను స్వదేశానికి తీసుకొచ్చేందుకు వందే భారత్ మిషన్‌తో విమాన సర్వీసులను నడుపుతున్న సంగతి తెలిసిందే.

ఇక తాజా అన్‌లాక్ 5 మార్గదర్శకాల్లో సినిమా హాళ్లు,మల్టిప్లెక్సులకు కేంద్రం సడలింపులనిచ్చింది. 50శాతం సీటింగ్ కెపాసిటీతో సినిమా థియేటర్లు,మల్టిప్లెక్సుల నిర్వహణకు గ్రీన్ సిగ్నల్ ఇచ్చింది. అలాగే అక్టోబర్ 15 నుంచి కాలేజీలు,స్కూళ్లు కూడా రీఓపెన్ చేసుకోవచ్చునని... అయితే దానిపై తుది నిర్ణయం రాష్ట్ర ప్రభుత్వాలదేనని స్పష్టం చేసింది.

English summary
The ban on international flights to and from India has been extended till October 31 owing to unrelenting rise in the pandemic across the country. This ban will not apply to international all-cargo and international scheduled flights approved by the Directorate General of Civil Aviation, the Ministry of Civil Aviation (MoCA) said on Wednesday.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X