వామ్మో .. ఎలుగుబంటినే పరుగెత్తించారుగా (వీడియో)
Recommended Video
బుల్దానా : ఎలుగుబంటిని చూస్తే భయపడతాం. అదీ వస్తుంటే చంగొ బిల్ల అంటూ పరుగెడతాం. కానీ వారంతా ఒక్కటయ్యారు. అందరూ ఏకమయ్యారు. ఇంకేముందు మనం బెదిరే గుడ్డెలుగును కూడా భయపెట్టించారు. ఆ ఊరిలో ఉన్న వారంతా ఏకమయ్యారనుకున్న ఎలుగుబంటి పరుగుతీసింది. మహారాష్ట్రలో జరిగిన ఈ ఘటనకు సంబంధించిన ఒక వీడియో సోషల్ మీడియాలో వైరలవుతుంది.
#WATCH Maharashtra: A bear entered Girda village in Buldhana, today & escaped to the forest after being chased away by villagers. pic.twitter.com/fetGOvMzcQ
— ANI (@ANI) July 26, 2019
మహారాష్ట్రలోని బుల్దానా మండల పరిధిలోని గిర్ద గ్రామంలో విచిత్ర ఘటన జరిగింది. ఊరికి అటవీ దగ్గరలోనే ఉంది. దీంతోపాటు గ్రామంలో చెట్లు, చెమలు ఎక్కువే. ఇంకేముంది సమీపంలోని అడవీ నుంచి ఒక ఎలుగుబంటి వచ్చింది. అయితే ఎప్పటిలాగే ప్రజలు జంకుతారని భావించింది. కానీ గ్రిడ గ్రామంలో ప్రజలంతా ఒక్కటయ్యారు. ఆ గుడ్డెలుగును తరిమేసేందుకు చేయి చేయి కలిపారు. దానిని తరిమేసేవరకు నిద్ర కూడా పోమని భీష్మించుకొని కూర్చొన్నారు. ఇంకేముంది తన ఆటలు ఈ ఊరిలో సాగవని ఎలుగుబంటి భావించింది. ఇక్కడినుంచి ఎలాగైనా తప్పించుకోవాలని భావించింది. పారిపోయేందుకు సమయం కోసం వేచి చూసింది. అక్కడే అందరూ ఉండటంతో చెట్ల పొదల్లో ఉండి .. వెళ్లిపోయేందుకు చూసింది.
అయితే ఎంతకీ జనం వెళ్లకోపవడంతో ఎలుగుబంటి విసిగిపోయింది. ఎలాగైనా సరే తప్పించుకోవాలని అనుకొంది. వెంటనే వాయువేగంతో పరుగుతీసింది. బయటకు వచ్చిందో లేదో ... జనం వెంటపడ్డారు. ఇంకేముంది పరుగు తీసింది. వెంటనే బతుకుజీవుడా అంటూ ఉరికింది. అయినా ప్రజలు దానిని బెదిరించడంతో స్పీడ్గా పరుగెత్తి వెళ్లిపోయింది. ప్రజలు ఆగడంతో అడవీలోకి వెళ్లిపోయింది. హమ్మయ్య అంటూ ఊపిరి తీల్చుకుంది.