పోలీస్ స్టేషన్ లో ప్రత్యక్ష నరకం: నిందితుడిని తలకిందులుగా కట్టేసి హాకీ స్టిక్ తో..
బెంగళూరు: పోలీస్ స్టేషన్ లోనే ఓ నిందితుడిని ప్రత్యక్ష నరకాన్ని చూపారు పోలీసులు. అతణ్ని తలకిందులుగా కట్టేసి హాకీ స్టిక్కులతో మరీ చితకబాదేశారు. దీనికి సంబంధించిన ఓ వీడియో తాజాగా వెలుగులోకి వచ్చింది. సోషల్ మీడియాలో హల్ చల్ చేస్తోంది.
అమిత్ షా పేషీలో భారీగా అవినీతి: రూ.16 లక్షల లంచం డిమాండ్!
పోలీసుల దురాగతాన్ని బయట పెట్టింది. బెంగళూరులోని సుబ్రహ్మణ్యనగర పోలీస్ స్టేషన్ లో ఈ ఘటన చోటు చేసుకుంది. నిందితుడి పేరు యశ్వంత్. సుబ్రహ్మణనగర పోలీస్ స్టేషన్ పరిధిలోని ఓ పార్కింగ్ కాంప్లెక్స్ లో పని చేస్తున్నాడు. తనతో పాటు పనిచేస్తోన్న 21 సంవత్సరాల యువతి పట్ల రోజూ అతను అసభ్యంగా ప్రవర్తించేవాడు.
అతని వేధింపులను భరించలేక బాధిత యువతి సుబ్రహ్మణ్యనగర పోలీస్ స్టేషన్ లో ఫిర్యాదు చేశారు. యశ్వంత పై ఈ ఏడాది మే 10వ తేదీన ఈ ఫిర్యాదు నమోదైంది. అనంతరం యశ్వంత్ ను అదుపులోకి తీసుకున్న పోలీసులు అతనికి చుక్కలు చూపారు. సబ్ ఇన్ స్పెక్టర్ శ్రీకంఠే గౌడ నిందితుడిని తలకిందులుగా చేసి, హాకీ స్టిక్ తో ఉతికి ఆరేశారు. ఈ వీడియో ఎప్పుడు తీశారో తెలియరావట్లేదు గానీ.. తాజాగా సోషల్ మీడియాలో వైరల్ గా మారింది. గురువారం ఈ వీడియోపై బెంగళూరు నగర పోలీస్ కమిషనర్ భాస్కర్ రావు స్పందించారు. ఎస్ఐ శ్రీకంఠే గౌడను సస్పెండ్ చేస్తూ ఆదేశాలు జారీ చేశారు.