మోడీకి సెల్యూట్ చేసిన మోహన్‌లాల్: ఎందుకంటే.?

తిరువనంతపురం: మలయాళీ సూపర్ స్టార్ మోహన్‌లాల్ ప్రధాని నరేంద్ర మోడీపై ప్రశంసల వర్షం కురిపించారు. నల్లధనం నిర్మూలనకు ప్రధాని మోడీ పెద్దనోట్లు రద్దు చేస్తూ తీసుకున్న నిర్ణయం ఎంతో సాహసోపేతమైనదని అభిప్రాయపడ్డారు.

'పెద్ద నోట్లు రద్దు అనే నిర్ణయాన్ని నేను సర్జికల్‌ స్ట్రైక్‌లానే భావిస్తున్నాను. నేను నేతల్ని పూజించను. కానీ ఆ నేతలు తీసుకున్న నిర్ణయాన్ని గౌరవిస్తాను. ఇప్పుడు మోడీ తీసుకున్న నిర్ణయం కూడా అలాంటిదే' అని మోహన్ లాల్ చెప్పుకొచ్చారు.

అంతేగాక, 'పెద్ద నోట్ల రద్దు వల్ల తాత్కాలికంగా ఇబ్బందులు ఎదురైనా మున్ముందు మంచి జరుగుతుందని నాకు అర్థమైంది. ఇలాంటి ఓ పెద్ద నిర్ణయాన్ని తీసుకున్నప్పుడు దాని ప్రభావం కనిపించకుండా పోదు. డబ్బు కోసం గంటల తరబడి బ్యాంకు ఎదుట బారులు తీరుతున్న ప్రజల బాధను నేను అర్థంచేసుకోగలను' అని అన్నారు.

అయితే, 'మద్యం దుకాణాలు, సినిమా థియేటర్లు, గుళ్లుగోపురాల ఎదుట కూడా గంటలు తరబడి నిలబడుతుంటాం. అలాగే మున్ముందు జరగబోయే మంచి కోసం కొద్ది గంటల పాటు నిలబడినా నష్టం లేదని నా అభిప్రాయం' అని మోహన్‌లాల్‌ తన బ్లాగులో పేర్కొన్నారు.

English summary

Malayali Superstar Mohanlal has given a "big salute" to Prime Minister Narendra Modi's decision to demonetise high value currency notes.