Click it and Unblock the Notifications
Just In
Don't Miss
-
కట్టె పుల్లకు చీరకట్టినా.. మగాళ్ల ప్రవర్తనపై బిగ్బాస్ బ్యూటీ హిమజ హాట్ కామెంట్ -
CSK vs LSG: అతని వల్లే గెలిచే మ్యాచ్లో ఓడాం: రుతురాజ్ గైక్వాడ్ -
ఈ 4 రాశుల వారు ఉత్తమ సెక్స్ భాగస్వాములు అవుతారు... వీరిని లైఫ్ పార్ట్నర్ గా పొందడం అదృష్టం! -
ఏథర్ రిజ్టా ఎలక్ట్రిక్ స్కూటర్కు పోటీగా ఆంపియర్ NXG.. ఆ రోజే లాంచ్ -
ధర రూ.10 వేల కంటే తక్కువ ధరకే రియల్మి 5G స్మార్ట్ఫోన్.. విడుదల తేదీ ఖరారు..! -
Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్.. -
ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
మహారాష్ట్ర కథ క్లోజ్, కర్ణాటక మీద అమిత్ షా కన్ను, సీఎంకు ఫోన్, అక్కడ ఏం జరుగుతోంది !
న్యూఢిల్లీ/బెంగళూరు: మహారాష్ట్ర కథ క్లోజ్ కావడంతో బీజేపీ జాతీయ అధ్యక్షుడు, కేంద్ర హోం మంత్రి అమిత్ షా కన్ను కర్ణాటక మీద పడింది. కర్ణాటకలో 15 శాసన సభ నియోజక వర్గాల్లో మీరు ఏం చేస్తున్నారు ? అక్కడ పరిస్థితి ఎలా ఉంది ? మనకు అనుకూలంగా ఉందా ? లేదా ? అనే క్లారిటీ ఇవ్వాలని బీజేపీ జాతీయ అధ్యక్షుడు అమిత్ షా ఆ రాష్ట్ర ముఖ్యమంత్రి బీఎస్. యడియూరప్పకు ఫోన్ చేసి వివరాలు అడిగారని తెలిసింది. అక్కడి ప్రభుత్వాన్ని కాపాడుకునే బాధ్యత మీ మీద ఉందనే విషయం గుర్తు పెట్టుకోండి అంటూ సీఎం యడియూరప్పకు కేంద్ర హోం మంత్రి అమిత్ షా అనేక సూచనలు సలహాలు ఇచ్చారని సమాచారం.
మీ టార్గెట్ గుర్తు పెట్టుకోండి !
కర్ణాటకలోని 15 శాసన సభ నియోజక వర్గాల్లో డిసెంబర్ 5వ తేదీ ఉప ఎన్నికలు జరుగుతున్నాయి. 15 నియోజక వర్గాల్లో కచ్చితంగా 12 నియోజక వర్గాల్లో విజయం సాధించాలని, ఆ విదంగా మీరు పక్కాప్లాన్ తయారు చేసుకోవాలని సీఎం యడియూరప్పకు కేంద్ర హోం మంత్రి అమిత్ షా సూచించారని సమాచారం.
మంత్రులు, ఎమ్మెల్యేలు
ఉప ఎన్నికల్లో పోటీ చేస్తున్న అభ్యర్థులను గెలిపించే బాధ్యతలు మంత్రులు, సీనియర్ ఎమ్మెల్యేలకు అప్పగించాలని, ఎప్పటికప్పుడు మీరు సమాచారం సేకరించాలని కర్ణాటక సీఎం యడియూరప్పకు కేంద్ర హోం మంత్రి అమిత్ షా సూచించారని తెలిసింది.
మాకు చెప్పండి, మేం చూసుకుంటాం
ఉప ఎన్నికల్లో పార్టీ అభ్యర్థుల కోసం నని చెయ్యకుండా నిర్లక్షం చేసే మంత్రులు, ఎమ్మెల్యేలు, స్థానికుల నాయకుల గురించి మాకు సమాచారం ఇవ్వాలని, తరువాత వాళ్ల కథ మేము చూసుకుంటామని అమిత్ షా గట్టిగానే సీఎం యడియూరప్పకు చెప్పారని బీజేపీ వర్గాలు అంటున్నాయి.
మన ప్రభుత్వం ఉండాలి
కర్ణాటకలో ఎంతో కష్టపడి మనం అధికారంలోకి వచ్చాం, ఉప ఎన్నికలు మనకు పరువు ప్రతిష్టతో సమానం. కచ్చితంగా ఉప ఎన్నికల్లో మన సత్తా చాటుకుంటే ప్రభుత్వానికి ఎలాంటి ఇబ్బంది ఉండదు. లేదంటే ప్రతిపక్షాలకు మనం చాన్స్ ఇచ్చినట్లు అవుతోందని అమిత్ షా గుర్తు చేశారని తెలిసింది. ఉప ఎన్నికల్లో మీరు చెప్పిన వాళ్లకే టిక్కెట్లు ఇచ్చామని, వారిని గెలిపించుకునే బాధ్యత మీదే అని కేంద్ర హోం మంత్రి అమిత్ షా సీఎం యడియూరప్పకు చెప్పారని బీజేపీ వర్గాలు అంటున్నాయి.
