జియోకు పోటీగా.. బీఎస్ఎన్ఎల్ సూపర్ ఆఫర్!
ప్రభుత్వ రంగ సంస్థ బీఎస్ఎన్ఎల్ కూడా ఓ సూపర్ ఆఫర్ ప్రకటించింది. ప్రీపెయిడ్ కస్టమర్లు రూ.429 ప్లాన్ వేసుకుంటే.. రోజుకు 1 జీబీ డేటా చొప్పున 90 రోజులకు 90 జీబీ డేటాతోపాటు ఏ నెట్వర్క్కైనా అన్
Recommended Video
న్యూఢిల్లీ: రిలయెన్స్ జియో దెబ్బకు ఒక్కో టెలికాం ఆపరేటర్ దిగొస్తోంది. తమ వినియోగదారులు జారిపోకుండా చూసుకునేందుకు టెలికాం కంపెనీలు రోజుకో ఆఫర్ ను ప్రవేశపెడుతున్నాయి.
ఇప్పటికే వొడాఫోన్, ఎయిర్టెల్ పలు ఆఫర్లతో ఆకర్షిస్తుండగా.. తాజాగా ప్రభుత్వ రంగ సంస్థ బీఎస్ఎన్ఎల్ కూడా ఓ సూపర్ ఆఫర్ ప్రకటించింది. ఒక్క కేరళ సర్కిల్ తప్ప మిగతా దేశమంతా ఈ ప్లాన్ను లాంచ్ చేస్తున్నట్లు ఆ సంస్థ ఇవాళ ఒక ప్రకటనలో తెలిపింది.
బీఎస్ఎన్ఎల్ ప్రీపెయిడ్ కస్టమర్లు రూ.429 ప్లాన్ వేసుకుంటే.. రోజుకు 1 జీబీ డేటా చొప్పున 90 రోజులకు 90 జీబీ డేటాతోపాటు ఏ నెట్వర్క్కైనా అన్లిమిటెడ్ కాల్స్ (లోకల్, ఎస్టీడీ) చేసుకునే అవకాశం ఉంటుంది.
రూ.429తో ఈ ప్లాన్ తీసుకోవచ్చు. అంటే నెలకు కేవలం రూ.143 మాత్రమే. మూడు నెలలపాటు అన్లిమిటెడ్ కాల్స్, 90 జీబీ డేటా అంటే మార్కెట్లో మేము మంచి పోటీ ఇస్తున్నట్లే అని బీఎస్ఎన్ఎల్ డైరెక్టర్ ఆర్కే మిట్టల్ వ్యాఖ్యానించారు.