ఏడాది బిడ్డని గాల్లోకి విసిరి, కింద పడేసి.. తల్లి కర్కశత్వం (వీడియో)
లక్నో: ఉత్తర ప్రదేశ్లో ఓ షాకింగ్ సంఘటన చోటు చేసుకుంది. భర్త పైన కోపంతో ఓ మహిళ తన ఏడాది వయస్సున్న కన్న కొడుకును నిర్దాక్షిణ్యంగా కొట్టింది. ఒకటి రెండుసార్లు కాదు... ఇలా ఆమె ఎన్నోసార్లు చేసింది.
భార్య తన కొడుకును చితక్కొడుతుందని తెలిసిన ఆ భర్త ఇంట్లో సీసీ కెమెరాలు పెట్టి ఆమె దారుణాన్ని బట్టబయలు చేశాడు. భార్యభర్తల మధ్య గొడవకు ఆమె చిన్నారిని కొట్టడం గమనార్హం.
ఈ సంఘటన ఉత్తర ప్రదేశ్ రాష్ట్రంలోని బరేలీలో చోటు చేసుకుంది. ఆ తల్లి నిత్యం తన ఏడాది కొడుకును చితకబాదేది. అంతేకాదు, అతనిని పిసికి హింసించేది. కొన్నిసార్లు భర్త ఎదుటే ఆమె కొట్టింది. అతను చిన్నారిని కొట్టవద్దని బతిమాలినా ఊరుకునేది కాదు.
WATCH: Woman in Bareilly caught on CCTV beating and trying to strangle infant sonhttps://t.co/6fEUF4bGkx
— ANI UP (@ANINewsUP) 26 August 2016
I suspected that my wife beats our son,hence got CCTV installed, I am very worried,have approached court: Father pic.twitter.com/Zdmrxfrng8
— ANI UP (@ANINewsUP) 26 August 2016
తన భార్య తన కొడుకును కొడుతున్నట్లుగా తనకు అనుమానం వచ్చిందని, దీంతో తాను సీసీటీవీలు పెట్టానని ఆ భర్త చెప్పాడు.
ఓ ఫుటేజీలో ఆ మహిళ ఏడుస్తున్న తన బాబును వేధించింది. అతను ఏడుస్తున్నప్పటికీ ఆమె కొట్టడం మాత్రం ఆపలేదు. అంతేకాదు అతను ఏడుపు ఆపడం లేదనే కోపంతో పిసికింది. ఆ బాలుడిని గాలిలోకి విసిరింది. ఆ తర్వాత మంచం మీదకు విసిరేసింది. కర్కశంగా ప్రవర్తించింది. తన కొడుకును ఆమె చంపేస్తుందని, తనకు అప్పగించాలని భర్త ఆవేదన వ్యక్తం చేస్తున్నాడు.