VG Siddhartha Missing: చివరిసారిగా సిద్ధార్థ కనిపించింది ఎక్కడంటే..?
బెంగళూరు: కేఫ్ కాఫీ డే వ్యవస్థాపకుడు, ఆ రెస్టారెంట్ల అధినేత వీజీ సిద్ధార్థ అదృశ్యమైన కేసులో కీలక సాక్ష్యం ఒకటి వెలుగులోకి వచ్చింది. నల్లరంగు టయోటా ఇన్నోవా కారులో సోమవారం సాయంత్రం సకలేశపురా మీదుగా బెంగళూరు నుంచి మంగళూరుకు చేరుకున్న సిద్ధార్థ టోల్ గేట్ దాటుతున్న దృశ్యాలు సీసీటీవీ ఫుటేజీల్లో నమోదయ్యాయి.
VG Siddhartha Missing: ఆపరేషన్ సిద్ధార్థ: ఒక్కరి కోసం 150 మంది! అయినా దొరకని జాడ
మంగళూరు నగర శివార్లలోని బీసీ రోడ్డుపై నెలకొల్పిన టోల్ గేట్ వద్ద అమర్చిన సీసీటీవీల్లో ఈ దృశ్యాలు కనిపించాయి. మంగళూరు నగర పోలీసులు దీన్ని తాజాగా మీడియాకు విడుదల చేశారు. నేత్రావతి బ్రిడ్జి మీదికి దారి తీసే రోడ్డుపై ఈ టోల్ గేట్ ఉంది.
సాయంత్రం 7: 30 గంటల సమయంలో సిద్ధార్థకు చెందిన నల్లరంగు టయోటా ఇన్నోవా కారు ఈ టోల్ గేట్ ను దాటుకుని వెళ్లడం కనిపించింది. కారు ఈ టోల్ గేట్ ను దాటుకుని వెళ్లిన కొద్దిసేపటికే సిద్ధార్థ అదృశ్యం అయ్యారు. పరవళ్లు తొక్కుతున్న నేత్రావతి నదిలో దూకి సిద్ధార్థ ఆత్మహత్య చేసుకుని ఉండొచ్చనే అనుమానాలు వ్యక్తమౌతున్నాయి. ఆయన రాసినట్టుగా చెబుతున్న లేఖను పోలీసులు కారు నుంచి స్వాధీనం చేసుకున్నారు. 18 గంటలుగా పోలీసులు, జాతీయ విపత్తు నిర్వహణ బలగాలు, నౌకాదళ సిబ్బంది, తీర ప్రాంత రక్షక బలగాలు సిద్ధార్థ కోసం గాలిస్తున్నప్పటికీ.. ఆయన జాడ తెలియ రాలేదు.