• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

విక్రమ్ ల్యాండర్ ఆచూకీని బయటపెట్టిన థర్మల్ ఫొటోలు: చంద్రుడిపై హార్డ్ ల్యాండింగ్: శివన్

|

బెంగళూరు: భారత్ ప్రతిష్ఠాత్మకంగా తీసుకున్న చంద్రయాన్-2 ప్రాజెక్టులో భాగంగా జాబిల్లి మీదికి ప్రయోగించిన విక్రమ్ ల్యాండర్ ఆచూకీని.. కొన్ని నాటకీయ పరిణామాల మధ్య ఇస్రో శాస్త్రవేత్తలు గుర్తించారు. విక్రమ్ ల్యాండర్ లో అమర్చిన ఆర్బిటర్ ద్వారా దాని జాడ తెలిసింది. విక్రమ్ ల్యాండర్ లో అమర్చిన హైరిజల్యూషన్, హైబీమ్ థర్మల్ కెమెరా కొన్ని ఫొటోలు తీసింది. ఆ ఫొటోలే ఇప్పుడు విక్రమ్ ల్యాండర్ జాడను తెలిసేలా చేశాయి. థర్మల్ కెమెరా ఫొటోలను క్లిక్ మనిపించగానే.. ఆ సందేశం క్షణాల వ్యవధిలో గ్రౌండ్ స్టేషన్ కు చేరిందని శాస్త్రవేత్తలు గుర్తించారు. దీనితో ల్యాండర్.. చంద్రుడి ఉపరితలం మీద దిగిందని నిర్ధారించారు. తాము ఆశించిన విధంగా సాఫ్ట్ ల్యాండింగ్ కాకుండా.. హార్డ్ ల్యాండింగ్ జరిగి ఉండొచ్చని ఇస్రో ఛైర్మన్ కే శివన్ వెల్లడించారు.

దాని పనితీరు గానీ, అందులోని కీలక, సున్నితమైన పరికరాలు సజావుగా పనిచేస్తున్నాయా? లేదా? అనేది ఇంకా తేలాల్సి ఉందని అన్నారు. యావత్ భారత దేశాన్ని దిగ్భ్రాంతికి గురి చేసిన చంద్రయాన్-2 విక్రమ్ ల్యాండర్ ఆచూకీ ఎట్టకేలకు లభించిన విషయం తెలిసిందే. చంద్రుడి ఉత్తర ధృవం వైపు విక్రమ్ ల్యాండర్ కదలాడుతున్నట్లు భారత అంతిరిక్ష పరిశోధన కేంద్రం (ఇస్రో) శాస్త్రవేత్తలు వెల్లడించారు. దానితో సంబంధాలను పునరుద్ధరించుకునే పనిలో పడ్డారు. విక్రమ్ ల్యాండర్ ఆచూకీని చంద్రయాన్-2 ఆర్బిటర్ గుర్తించిందని తెలిపారు. అందులో అమర్చిన థర్మల్ కెమెరా కొన్ని ఫొటోలు తీసిందని అన్నారు. వాటి ద్వారానే తాము దాన్ని గుర్తించినట్లు చెప్పారు.

Chandrayaan 2: Vikram lander must have done a hard-landing, says Sivan

ల్యాండర్ పనితీరు ఎలా ఉందనే విషయంపై సైతం తాము ఇప్పుడే ఎలాంటి ప్రకటనా చేయలేమని అన్నారు. హైరిజల్యూషన్ థర్మల్ కెమెరా ఫొటోలు తీయడం వల్ల ల్యాండర్ పనితీరు సజావుగానే సాగుతోందని అంచనా వేస్తున్నట్లు శివన్ స్పష్టం చేశారు. సాధారణంగా హార్డ్ ల్యాండింగ్ చోటు చేసుకున్న తరువాత కొన్ని సున్నిత పరికరాలు దెబ్బతినే అవకాశాలు అధికంగా ఉంటాయని అన్నారు. విక్రమ్ ల్యాండర్ చంద్రుడి ఉపరితలం మీద హార్డ్ గా ల్యాండ్ అయ్యుండవచ్చని చెప్పారు. ముందుగా నిర్దేశించిన షెడ్యూల్ ప్రకారం.. ల్యాండర్ నుంచి ప్రజ్ఞాన్ రోవర్ వెలువడిందా? లేదా? అనేది కూడా తేలాల్సి ఉందని అన్నారు. దీనిపై మరిన్ని విషయాలను తెలుసుకోవడానికి తమ శాస్త్రవేత్తల బృందం కృషి చేస్తోందని చెప్పారు.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

English summary
Soon after news agency ISRO saying that exact location of the Vikram Lander of Chandrayaan 2 has been spotted, ISRO chief K Sivan has told PTI that the Vikram's landing must have been a hard-landing. On September 7, India's first moon mission Chandrayaan 2 was scheduled to make a soft-landing on moon's south pole with its Vikram lander and Pragyan rover.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more