• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

ఎగ్జిట్ పోల్స్: మహారాష్ట్ర కాషాయ కూటమిదే: కాంగ్రెస్-ఎన్సీపీలకు భారీ ఓటమి తప్పనట్టే

|

ముంబై: మహారాష్ట్రలో మరోసారి కాషాయ జెండా ఎగరడం ఖాయంగా కనిపిస్తోంది. అసెంబ్లీ ఎన్నికల్లో భారతీయ జనతాపార్టీ-శివసేన కూటమి వరుసగా రెండోసారి అధికారాన్ని హస్తగతం చేసుకుంటుందని ఎగ్జిట్ పోల్స్ స్పష్టం చేశాయి. ప్రతిపక్ష కాంగ్రెస్-నేషనలిస్ట్ కాంగ్రెస్ పార్టీ కూటమి మరోసారి నిరాశ తప్పదని, ప్రతిపక్షంలో కూర్చోక తప్పని పరిస్థితిని ఎదుర్కొంటోందని వెల్లడించాయి. 288 స్థానాల సంఖ్యాబలం ఉన్న మహారాష్ట్ర అసెంబ్లీలో ముప్పావు భాగం సీట్లను బీజేపీ-శివసేన కూటమి కైవసం చేసుకుంటాయని ఎగ్జిట్ పోల్స్ తేటతెల్లం చేశాయి.

మహారాష్ట్ర అసెంబ్లీ ఎన్నికల పోలింగ్ సోమవారం ముగిసింది. ఈ నేపథ్యంలో సాయంత్రం 6:30 గంటలకు ఎగ్జిట్ పోల్స్ వెల్లడయ్యాయి. ఎగ్జిట్ పోల్స్ ను నిర్వహించిన దాదాపు అన్ని జాతీయ ఛానెళ్లు కూడా బీజేపీ-శివసేన కూటమే అధికారంలోకి వస్తాయని వెల్లడించాయి. మొత్తం 288 అసెంబ్లీ స్థానాలు ఉండగా.. బీజేపీ 141, శివసేన 102 స్థానాలను గెలుచుకోవడం ఖాయంగా కనిపిస్తోందని పేర్కొన్నాయి. కాంగ్రెస్-ఎన్సీపీ కూటమి కేవలం 17 స్థానాలకే పరిమితమౌతుందని సీఎన్ఎన్ న్యూస్ 18-ఐపీఎస్ఓఎస్ ఛానెల్ తన ఎగ్జిట్ పోల్స్ లో వెల్లడించింది.

CNN News 18-Ipsos Exit Poll Predicts 243 Seats for BJP-Shiv Sena

హైదరాబాద్ లోక్ సభ సభ్యుడు అసదుద్దీన్ ఒవైసీ సారథ్యం వహిస్తోన్న అఖిల భారత మజ్లిస్ ఇత్తెహాదుల్ ముస్లిమీన్ (ఏఐఎంఐఎం) ఒక స్థానాలో విజయం సాధిస్తుందని సీఎన్ఎన్ న్యూస్ 18-ఐపీఎస్ఓఎస్ అంచనా వేసింది. హర్యానా, మహారాష్ట్ర అసెంబ్లీ ఎన్నికల ఫలితాలు ఈ నెల 24వ తేదీన వెల్లడి కానున్న విషయం తెలిసిందే. ఎన్నికల కౌంటింగ్ లోనూ దాదాపు ఇదే ట్రెండ్ కొనసాగే అవకాశాలు ఉన్నాయని అభిప్రాయ పడింది. 2014 అసెంబ్లీ ఎన్నికలతో పోల్చుకుంటే బీజేపీ-శివసేన కూటమి ఓట్ల శాతం గానీ, సీట్ల సంఖ్య గానీ భారీగా పెరుగుతాయని వెల్లడించింది. గతంతో పోల్చుకుంటే కాంగ్రెస్-నేషనలిస్ట్ కాంగ్రెస్ పార్టీలు భారీగా నష్టపోతాయని ఈ ఎగ్జిట్ పోల్స్ స్పష్టం చేశాయి.

English summary
CNN News 18-Ipsos Exit Poll Predicts 243 Seats for BJP-Shiv Sena Meanwhile, the CNN News 18-Ipsos exit poll has predicted an even bigger victory for the BJP-Shiv Sena coalition in the state, with 141 seats given to BJP, 102 to Shiv Sena, 17 to Congress and 22 to NCP. One seat will go to the Asaduddin Owaisi-led AIMIM, the exit poll said. The exit polls for the Maharashtra polls are being released after voting concluded in the state on Monday, 21 October.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X