బొగ్గు కుంభకోణం హిందాల్కో కేసులో దర్యాప్తు పూర్తయింది: సీబీఐ
న్యూఢిల్లీ: దేశంలో సంచలనం సృష్టించిన బొగ్గు క్షేత్రాల కుంభకోణం హిందాల్కో కేసులో దర్యాప్తు పూర్తైనట్లు ప్రత్యేక కోర్టుకు సీబీఐ తెలిపింది. హిందాల్కో, ఇతరుల పాత్రపై దర్యాప్తు పూర్తయినట్లు సీబీఐ తరపు సీనియర్ న్యాయవాది వీకే శర్మ వెల్లడించారు. ఈ కేసులో బొగ్గు శాఖ మాజీ కార్యదర్శి పీసీ పరేఖ్తోపాటు మరికొందరిపై ఆరోపణలు వచ్చిన విషయం తెలిసిందే.
ఈ కేసులో సంబంధించిన అన్ని విషయాలను, డాక్యుమెంట్లను దాఖలు చేసినట్లు కోర్టుకు సీబీఐ వివరించారు. దానికి సంబంధించిన నివేదికను మార్చి 11న పరిగణనలోకి తీసుకుంటామని ప్రత్యేక కోర్టు స్పష్టం చేసింది.
గతంలో ఈ కేసులో కోర్టు ఆదేశాల ప్రకారం మాజీ ప్రధానిమంత్రి మన్మోహన్ సింగ్, ప్రధానమంత్రి కార్యాలయం ఉన్నతాధికారులు, మన్మోహన్ సింగ్ ప్రిన్సిపల్ సెక్రటరీ టీకేఏ నాయర్, పలువురిని సీబీఐ విచారించిన విషయం తెలిసిందే.
Click it and Unblock the Notifications
Sign in with Google