అదే నిజమైంది: విరాట్ కోహ్లి, అనుష్క శర్మ వివాహం

టస్కనీ: భారత క్రికెట్‌ కెప్టెన్‌ విరాట్‌ కోహ్లి, బాలీవుడ్‌ నటి అనుష్కశర్మల పెళ్లి అంగరంగ వైభవంగా జరిగింది. తమ జీవితాకు సంబంధించిన ఆనంద సమయాన్ని ఇరువురు తారలు అభిమానులతో పంచుకున్నారు. 'ఎప్పటికీ ప్రేమలో ఉండటానికి ఈ రోజు మేం పరస్పరం వాగ్ధానం చేసుకున్నామని ప్రకటించారు.

ఈ మరపురాని రోజుకు సంబంధించిన విషయాలను మీతో పంచుకుంటున్నందుకు ఎంతో ఆనందంగా ఉంది అంటూ విరాట్ కోహ్లి, అనుష్క శర్మలు ప్రకటించారు. అత్యంత సన్నిహితుల మధ్య సోమవారం ఇంటలీలోని టస్కలీలో విరుష్క జంట ఒక్కటైంది.

ప్రపంచంలోనే అత్యంత ఖర్చైన హాలిడే స్పాట్‌లో ఈ పెళ్లి జరిగింది. ఇటలీలోని టస్కనీ ప్రాంతంలో కేవలం వంద మంది జనాభే నివసించే అతి చిన్న గ్రామమైన బిబియానోలో ఉన్న బోర్గో ఫినాచెజియో విల్లాలో ఈ వివాహ వేడుక జరిగింది. ఆహ్వానం అందిన వారిని మాత్రమే విల్లాలోకి అనుమతించే విధంగా కట్టుదిట్టమైన భద్రతను ఏర్పాటు చేసినట్లు చేశారు.

పెళ్లి తర్వాత డిసెంబర్‌ 26న ముంబైలో అంగరంగ వైభవంగా రిసెప్షన్‌ వేడుకను నిర్వహించనున్నారు. ఈ వేడుకకు బీసీసీఐ పెద్దలతో పాటు క్రికెట్, బాలీవుడ్‌లకు చెందిన అతిరథ మహారథులంతా హాజరుకానున్నారు.

English summary

The power couple - Bollywood actress Anushka Sharma and the captain of the Indian Cricket Team, Virat Kohli - have finally tied the knot.Anushka walked down the aisle with Virat today in Italy, in a private ceremony