• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

తెరపైకి కాంగ్రెస్ కొత్త చీఫ్ : ఘోర పరాజయంతో అనివార్యమైన ఎంపిక ? .. సోనియా, ప్రియాంక పేర్ల పరిశీలన ?

|

న్యూఢిల్లీ : సార్వత్రిక ఎన్నికల్లో కాంగ్రెస్ పార్టీ ఘోర పరాజయం పాలైంది. అధికారం చేపడుతామని ఆ పార్టీ నేతలు గొప్పలు చెప్పుకున్నారు. కానీ డబుల్ డిజిట్‌కే పరిమితమైంది. 130 ఏళ్ల చరిత్ర ఉన్న పార్టీ కేవలం 52 సీట్లతో సరిపెట్టుకుంది. ఇంతకీ కాంగ్రెస్ పార్టీ ఘోర పరాజయానికి కారణమెవరు ? అధ్యక్షుడు రాహుల్ గాంధీయేనా ? ఇప్పుడు కాంగ్రెస్ పార్టీకి కొత్త నాయకత్వం అవసరం ఉందా ? వన్ ఇండియా ప్రత్యేక కథనం.

సర్వశక్తులు ఒడ్డినా ..?

సర్వశక్తులు ఒడ్డినా ..?

వాస్తవానికి రాహుల్‌గాంధీ గతంలో కన్నా పరిణితి సాధించారు. ప్రధాని మోదీ లక్ష్యంగా విమర్శలు ఎక్కుపెట్టారు. రఫెల్ ఒప్పందం, బడాబాబులకు దోచిపెట్టడం, చౌకీదార్ చోర్ హై అంటూ ఎదురుదాడికి దిగారు. కాంగ్రెస్ శ్రేణుల్లో జోష్ నింపి .. గెలిచేందుకు వ్యుహరచన చేశారు. అయినా ఎన్నికల్లో ఆ పార్టీకి ఘోర పరాజయం చూసింది. ఈ ఎన్నికల్లో రాహుల్ అన్నీ తానై వ్యవహరించారు. టికెట్ల కేటాయింపు, ప్రచారం సహా అన్ని విభాగాల్లో పట్టు సాధించారు. గతంలో మాదిరిగా తల్లి చాటు కొడుకులా ఉండలేదు. ముందుండి .. ముందుకు నడిపించారు. దీనిని బట్టి ఎన్నికల్లో రాహుల్ ఫెయిల్యూర్ స్పష్టమైంది. కనీసం ఆ పార్టీ 100 సీట్లు కూడా దాటలేని పరిస్థితి ఏర్పడింది. యూపీఏ కూటమికే 90 సీట్లు వచ్చాయంటే మోదీ, షా చాణక్యం, చేసిన అభివృద్ధి పనులు ఏ మేరకు పనిచేశాయో అర్థమవుతుంది.

కొత్త నేత ఎవరు ?

కొత్త నేత ఎవరు ?

ఘోర పరాజయం తర్వాత కాంగ్రెస్ పార్టీ మళ్లీ పుర్వవైభవం రావాలంటే కొత్త నాయకత్వం పగ్గాలు చేపట్టాల్సిన అవసరం ఉంది. లేదంటే ఆ పార్టీ శ్రేణుల్లో నాయకత్వంపై సందేహాలు ఏర్పడే ప్రమాదం ఉంది. కాంగ్రెస్ ఉపాధ్యక్షుడిగా ఉంటూ పార్టీపై పట్టు సాధించిన రాహుల్ .. అధ్యక్షుడిగా ఎన్నికలకు వెళ్లారు. ప్రతిష్టాత్మక న్యాయ్ పథకం ప్రవేశపెడతామని హామీలు ఇచ్చారు. కానీ ప్రజలు ఇవేమీ విశ్వసించలేదు. సో కాంగ్రెస్ పార్టీకి నాయకత్వ మార్పిడి అనేది ఇప్పుడు అనివార్యమైంది. తిరిగి సోనియానా ? లేదంటే ప్రియాంకను తెరపైకి తీసుకురావాలా అనే అంశం ఆ పార్టీ చేతుల్లోనే ఉంది.

సోనియా .. ప్రియాంక ..

సోనియా .. ప్రియాంక ..

కాంగ్రెస్ పార్టీని తిరిగి పూర్వస్థితికి తీసుకురావడంలో సోనియా చాణక్యం పనిచేసింది. ఆమె హయాంలో యూపీఏ 10 పదేళ్లు అధికారం చేపట్టింది. ఆమె చాటున రాహుల్ రాజకీయాల్లోకి అడుగుపెట్టి .. పార్టీ అధ్యక్ష పదవీ చేపట్టారు. కానీ అతని నాయకత్వ లక్షణాలు, ప్రచారం ఓట్లుగా మలుచుకోవడంలో కాంగ్రెస్ పార్టీ విఫలమైంది. దీంతో మళ్లీ సోనియాగాంధీ పార్టీ పగ్గాలు చేపట్టాలనే డిమాండ్ వస్తోంది. దీంతోపాటు తెరపైకి ప్రియాకం గాంధీ పేరు కూడా వస్తోంది. ఆమె ఇటీవల యూపీ తూర్పు ఇంచార్జీగా వ్యవహరించారు. అయితే బీజేపీ గాలిలో ఆమె ప్రభావం కూడా కనిపించలేదు. అయినా ఆమె హవభావాలు, ఇందిరా పోలికలతో ఉండటం కాంగ్రెస్ పార్టీకి కలిసి వచ్చే అవకాశం ఉంది. అన్నయ్య రాహుల్ విఫలమవడంతో .. చెల్లి ప్రియాంక తన సామర్థ్యాన్ని నిరూపించుకోవాల్సిన అవసరం ఉంది. ఇదివరకే ప్రియాంకు పగ్గాలు అప్పజెప్పాలనే వాదన ఉంది. ఇప్పుడు రాహుల్ ఫెయిల్యూర్‌తో ఆమె పేరు తెరపైకి వచ్చిన ఆశ్చర్యపోవాల్సిన అవసరం లేదు.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

English summary
The Congress party was defeated in the general elections. Leaders of the party claim that they will take power. But it is limited to double digit. The 130-year-old party has just 52 seats. Who was the reason behind the Congress party's defeat? President Rahul Gandhi? Now Congress party needs new leadership?
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more