Click it and Unblock the Notifications
Just In
Don't Miss
-
Banking News: ప్రభుత్వ బ్యాంకులకు ఆ అధికారం లేదు.. బాంబే హైకోర్టు సంచలన తీర్పు.. -
వందేళ్ల వయసులో తాత జోరు.. 50 ఏళ్ల ప్రీమియర్ పద్మినిలో షికారు.. వీడియో చూసేయండి -
IPL: నైట్ అంతా సిట్టింగ్ వేస్తే ఎలా గెలుస్తారు?- రైనా -
అద్భుతమైన డిజైన్ తో నోకియా కొత్త ఫోన్ Nokia N90 Flip ! వివరాలు -
నిద్రపోకపోతే వచ్చే సమస్యలివే.. తీవ్రంగా హెచ్చరిస్తున్న పరిశోధకులు..! -
ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..! -
Mahi Shivan: పండంటి బిడ్డకు జన్మనిచ్చిన సీరియల్ నటి మహేశ్వరి.. ఎవరు పుట్టారో తెలుసా?
కరోనా నేర్పిన జీవితం: సింపుల్ గా బతకటానికి అలవాటు పడుతున్న జనాలు
కరోనా వైరస్ మనుషుల జీవితంపై తన ప్రభావం చూపిస్తుంది. కరోనా మానవ జీవితాలను చాలా సింపుల్ గా మార్చింది . నిన్నటి వరకు లగ్జరీ లైఫ్ స్టైల్ కు అలవాటు పడిన వాళ్ళంతా కరోనా లాక్ డౌన్ ప్రభావంతో చాలా సాధారణ జీవనాన్ని గడుపుతున్నారు. అనవసరపు వృధా ఖర్చులు తగ్గించి అవసరాలకు మాత్రమే ఖర్చు చేస్తున్నారు . ఒక పట్టాన ఇంటి పట్టున ఉండని వాళ్ళు కూడా ఇళ్లకే పరిమితం అవుతున్నారు. అన్నిటికీ అడ్జెస్ట్ అవుతూ జీవన విధానాన్నే మార్చుకుంటున్నారు.
కరోనా దెబ్బకు లగ్జరీలు బంద్
కరోనా ప్రపంచాన్ని వణికిస్తున్నప్పటికీ ప్రజలకు మాత్రం ఏది అవసరమో అదే తెలుసుకోవాలని చెప్తుంది . ఆధునిక జీవన విధానంతో ప్రకృతిని వినాశనం చేస్తున్న మానవులకు లాక్ డౌన్ విధించి సాధారణ జీవనం గడపమని చెప్పింది . ఒకప్పుడు ప్రతీ విషయానికి హంగామా చేసేవాళ్ళంతా ఇప్పుడు కరోనా దెబ్బకు ఎంత పెద్ద సందర్భం అయినా సరే సైలెంట్ గా అంతే సింపుల్ గా చేసుకుంటున్నారు. లగ్జరీ అన్న పదాన్ని దాదాపు పక్కన పెట్టారు. అవసరం , అత్యవసరం అన్న విషయాలకే పరిమితం అవుతున్నారు .
వేడుకలు ఏవైనా హంగామాలు బంద్ .. మోడరన్ లైఫ్ స్టైల్ కు స్వస్తి
కరోనాకి ముందు పుట్టిన రోజులైనా, వివాహాది శుభాకార్యాలైనా హంగామా చేసి బయట పెద్ద ఎత్తున పార్టీలు ఇచ్చిన వాళ్ళు ఇప్పుడు ఇళ్ళల్లో కేకులు తయారు చేసుకుని , లేదా పుచ్చకాయలను కేక్ లా చేసి కేవలం కుటుంబ సభ్యులతో మాత్రమే వేడుకలు జరుపుకుంటున్నారు. ఇక పెళ్ళిళ్ళు అయితే పట్టుమని 10 మంది కూడా లేకుండానే జరిగిపోతున్నాయి. పబ్ లు , క్లబ్ లు, జిమ్ లు ,ఎరోబిక్స్ సెంటర్లు , షాపింగ్ , సినిమాలు , డిస్కోలు , పార్కులు ఇలా ప్రతి నిత్యం మోడరన్ లైఫ్ స్టైల్ కు అలవాటు పడిన నగర వాసులను మాత్రం కరోనా చాలా గొప్పగా కట్టడి చేస్తుంది .
పొదుపును , శుభ్రతను నేర్పిన కరోనా
ఎవరూ ఎటూ వెళ్ళటానికి లేని పరిస్థితి వారిలో ఒక మార్పుకు కారణం అవుతుంది . నిత్యం సంపాదన కోసం పరుగులు పెట్టిన నగర వాసులకు డబ్బు కంటే కుటుంబం ప్రాధాన్యం అనే విషయం బోధ పడేలా చేసింది కరోనా . ఇక సంపాదన లేని పరిస్థితులు పొదుపు నేర్పాయి. నిద్రలేచిన దగ్గర నుండి లగ్జరీ అన్న వాళ్ళు ఇప్పుడు నో లగ్జరీ అనేలా చేసింది . నిత్యం రణగొణ ధ్వనులతో నరకంగా ఉండే రోడ్లు నిర్మలంగా , నిశ్శబ్దంగా ఉండేలా చేసింది . ఎక్కడ పడితే అక్కడ చెత్త పడేసే మనకు శుభ్రత నేర్పింది కరోనా .
లాక్ డౌన్ తో సింపుల్ గా బతకటం నేర్పిన కరోనా
అన్నిటి కంటే సింపుల్ గా బతకటం చేతకాని వాళ్ళకు కూడా సింపుల్ గా బతకటం నేర్పించింది కరోనా . ఒక రకంగా చెప్పాలంటే కరోనా ప్రస్తుత మానవ సమాజానికి జీవితం విలువ చెప్పింది. బతుకు అంటే ఏంటో అర్ధం అయ్యేలా చేసింది. పేద, ధనిక, పెద్ద , చిన్న తేడా లేకుండా అంతా సమ సమాజమే అన్నట్టు కరోనా ఒక్కసారిగా వ్యవస్థను మార్చింది . ఒక చిన్న వైరస్ శాస్త్ర సాంకేతిక రంగాల్లో ఎంతో సాధించిన, అంతరిక్షంలోకి ప్రయాణం సాగించిన మానవ మేధస్సుకు పరీక్ష పెడుతుంది. ఇప్పటి వరకు మెడిసిన్ లేని పరిస్థితి మన వైజ్ఞానిక పురోగతిని ప్రశ్నిస్తుంది. జీవన తత్వం బోధ పడేలా చేస్తుంది .
Recommended Video
