• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

ఎంతో ఊహించా కానీ,ఆశ్చర్యం: కేజ్రీవాల్‌పై అనుపమ్‌ఖేర్

By Srinivas
|
Disillusioned with AAP, says Anupam Kher
న్యూఢిల్లీ: ఆమ్ ఆద్మీ పార్టీ (ఎఎపి) పైన తాను ఎన్నో ఆశలు పెట్టుకున్నానని, ఆ భ్రమలన్నీ తొలగిపోయాయని బాలీవుడ్ ప్రముఖ నటుడు అనుపమ్ ఖేర్ గురువారం అన్నారు. ఎఎపిలో ఇటీవల గందరగోళం నెలకొన్న విషయం తెలిసిందే. దీనిపై అనుపమ్ స్పందించారు.

ఒక్కమాటలో చెప్పాలంటే తాను ఎంతగానో ఊహించుకున్న ఎఎపి ఏకంగా లక్ష్యాన్నే కోల్పోయిందన్నారు. గత కొన్ని రోజులుగా తనను ఈ భావనలు తొలిచి వేస్తున్నాయని ఆవేదన వ్యక్తం చేశారు. ఎఎపి లక్ష్యాలు, నెరవేర్చాల్సిన వాగ్ధానాలు ఒక్కసారిగా మారిపోయినట్లుగా కనిపిస్తున్నాయన్నారు.

ఢిల్లీ ముఖ్యమంత్రిగా అరవింద్ కేజ్రీవాల్ ప్రమాణ స్వీకారం చేయగానే... మాజీ ముఖ్యమంత్రి షీలా దీక్షిత్ పైన ఎలాంటి చర్యలు చేపడతారని ప్రశ్నించగా.. షీలా దీక్షిత్‌కు వ్యతిరేకంగా ముందు బిజెపి నేతలను రుజువులు తెమ్మనండని, రెండు గంటల్లో ఆమెపై చర్యలకు ఉపక్రమిస్తామని కేజ్రీవాల్ చెప్పడం తనను ఆశ్చర్యానికి గురి చేసిందన్నారు. అనుపమ్ ఖేర్ ఓ టివి ఛానల్‌కు ఇచ్చిన ఇంటర్వ్యూలో చెప్పారు.

ఎఎపి తరఫున పోటీ చేయను

తాను ఆమ్ ఆద్మీ పార్టీ తరఫున వచ్చే ఎన్నికలలో పోటీ చేయడం లేదని అనుపమ్ ఖేర్ ట్విట్టర్‌లో ట్వీట్ చేశారు. తాను వచ్చే ఎన్నికలలో పోటీ చేస్తున్నానా అని తెలుసుకునేందుకు ఓ నిర్మాత తనకు ఫోన్ చేశారని, తన సినిమా షూటింగ్ ఏమవుతుందోనని ఆందోళన వ్యక్తం చేశారని కానీ, తాను పోటీ చేయడం లేదని అనుపమ్ ఖేర్ తెలిపారు. తాను చిత్ర ప్రపంచంలో ఉన్నందుకు ఎంతో ఆనందంగా ఉన్నానని చెప్పారు. తనకు రాజకీయాల పైన ఆసక్తి లేదన్నారు.

English summary
Actor Anupam Kher today said he was disillusioned with AAP and alleged the party has lost its focus.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X