వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts
Oneindia App Download

కమలా హ్యారిస్‌కు స్టాలిన్ లేఖ... ద్రవిడ ఉద్యమ ఆత్మవిశ్వాసాన్ని పెంచిన గెలుపంటూ...

|
Google Oneindia TeluguNews

అమెరికా ఉపాధ్యక్షురాలిగా కమలా హ్యారిస్ గెలుపుతో తమిళ జనం సంబరాలు జరుపుకుంటున్నారు. తమిళ మూలాలున్న కమలా అమెరికాలో అత్యున్నత పదవిని చేపట్టడంపై సంతోషం వ్యక్తం చేస్తున్నారు. తాజాగా డీఎంకె అధినేత ఎంకె స్టాలిన్ కమలా హ్యారిస్‌కు ఓ లేఖ రాశారు. కమల గెలుపుపై సంతోషం వ్యక్తం చేసిన స్టాలిన్... ఆమె గెలుపు ద్రవిడ ఉద్యమానికి మరింత ఆత్మవిశ్వాసాన్ని ఇచ్చిందన్నారు.

'వణక్కం... తమిళనాడు మూలాలు కలిగిన కమలా హ్యారిస్... అమెరికా మొట్టమొదటి మహిళా ఉపాధ్యక్షురాలిగా బాధ్యతలు చేపట్టడం తమిళ ప్రజలందరికీ గర్వకారణం. సమ సమాజాన్ని కాంక్షించే ద్రవిడ ఉద్యమ రాజకీయ సిద్దాంతాలకు మీ గెలుపు మరింత ఆత్మవిశ్వాసాన్ని ఇచ్చింది. మీ మాతృమూర్తి శ్యామలా గోపాలన్ హ్యారిస్ మాతృభాష అయిన తమిళంలో ఈ లేఖ రాయడం నాకు సంతోషాన్నిస్తోంది.' అని స్టాలిన్ పేర్కొన్నారు.

DMK chief MK Stalin writes to Kamala Harris in Tamil, recalls her links to TN

ద్రవిడ సంస్కృతి గొప్పదనాన్ని ప్రపంచానికి చాటిచెప్పేలా అమెరికా ప్రతిష్టను మరింత ఇనుమడింపజేసేలా కమలా పనిచేస్తారని ఆశిస్తున్నట్లు స్టాలిన్ తెలిపారు. ముందుచూపు,కఠోర శ్రమ,అంకిత భావంతో అమెరికాను పాలించగలిగే సమర్థత తమిళ మహిళకు ఉందని ఆమె నిరూపించారన్నారు.

కాగా,కమలా హ్యారిస్ పూర్వీకుల మూలాలు తమిళనాడులోని పైంగనాడులో ఉన్న తులసెంథిరపురంలో ఉన్నాయి. కమలా తల్లి హ్యారిస్ సొంతూరు ఇదే కావడంతో... ఆమె గెలుపు తర్వాత ఇక్కడి ప్రజలు సంబరాలు జరుపుకున్నారు. ఇంటి వాకిళ్లల్లో రంగురంగుల ముగ్గులతో కమలకు శుభాకాంక్షలు తెలిపారు.

కమలా హ్యారిస్ తల్లి శ్యామలా గోపాలన్ హారిస్ బయోమెడికల్ సైంటిస్ట్. 1960ల్లో ఆమె అమెరికా వెళ్లి... అక్కడే స్థిరపడ్డారు. జమైకాకు చెందిన డొనాల్డ్ హారిస్‌నే ఎకనమిస్టును వివాహం చేసుకున్నారు. శ్యామలా-డొనాల్డ్ దంపతులకు కమలా హారిస్,మాయా హారిస్ ఇద్దరు కుమార్తెలు. మాయా హారిస్ న్యాయవాదిగా,టెలివిజన్ కామెంటేటర్‌గా,పొలిటికల్ అనలిస్టుగా పనిచేస్తున్నారు.

English summary
DMK president M K Stalin on Monday wrote to US vice-president elect Kamala Harris in Tamil recalling her links to Tamil Nadu and expressed confidence that she would bring more laurels to America during her tenure.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X