మెడికల్ సేల్స్ ఎగ్జిక్యూటివ్పై డాక్టర్ రేప్..!
ఢిల్లీ : డాక్టర్ దారి తప్పాడు. వృత్తి ధర్మం మరిచి కామాంధుడయ్యాడు. విధి నిర్వహణలో భాగంగా తన దగ్గరకు వచ్చిన ఓ లేడీ మెడికల్ ఎగ్జిక్యూటివ్పై అత్యాచారానికి పాల్పడ్డాడు. అంతేకాదు ఆ సమయంలో తీసిన ఫోటోలను తన దగ్గర పెట్టుకుని పలుమార్లు బ్లాక్ మెయిల్ చేశాడు. అలా అదను చూసి అత్యాచారం చేస్తూనే ఉన్నాడు. చివరకు సదరు డాక్టర్ వేధింపులు ఎక్కువ కావడంతో పోలీసులను ఆశ్రయించారు బాధితురాలు. దాంతో డాక్టర్ను అరెస్ట్ చేసి దర్యాప్తు చేస్తున్నారు.
ఢిల్లీ సఫ్ధర్జంగ్ ప్రాంతంలోని ఓ ప్రైవేట్ ఆసుపత్రిలో పనిచేస్తున్న వైద్యుడొకరు బరి తెగించాడు. 27 సంవత్సరాల ఓ యువతి ఫార్మా కంపెనీలో సేల్స్ ఎగ్జిక్యూటివ్గా పనిచేస్తుండటంతో విధి నిర్వహణలో భాగంగా సదరు డాక్టర్ను కలిశారు. ఆ క్రమంలో వారిద్దరు క్లోజ్ అయ్యారు. తమ కంపెనీకి చెందిన మందులు పేషెంట్లకు రిఫర్ చేయాల్సిందిగా అభ్యర్థించడంతో ఆయన ఓకే చెప్పారు. అయితే ఆయనలో కామాంధుడు దాగి ఉన్నాడనే విషయం ఆమెకు అర్థం కాలేదు.
ఆ క్రమంలో వైద్యశాఖలో ఓ పోస్టు కోసం నిర్వహించే పరీక్షలకు ప్రిపేర్ కావడానికి సాయం చేస్తానని ఆమెను నమ్మించాడు. తన ఇంటిలో కొంతమంది విద్యార్థులకు ట్యూషన్స్ చెబుతున్నానని.. నీకు కూడా ఇంట్రెస్ట్ ఉంటే రావొచ్చని వల విసిరాడు. సరేనంటూ అతడు చెప్పినట్లు ఇంటికి వెళ్లింది. కానీ అక్కడ ఇతరులు ఎవరూ కనిపించలేదు. అయితే ఆమెను బుకాయించిన సదరు డాక్టర్ మత్తుమందు కలిపిన కూల్ డ్రింక్ ఇచ్చాడు.
ఆ కూల్ డ్రింక్ తాగి ఆమె స్పృహ కోల్పోయింది. దాంతో ఈ మానవ మృగం దారుణంగా రేప్ చేశాడు. వివస్త్రను చేసి న్యూడ్ ఫోటోలు, వీడియోలు తీసుకున్నాడు. అది జరిగిన తర్వాత కొన్ని రోజులకు సదరు ఫోటోలు, వీడియోలు చూపించి బ్లాక్ మెయిల్ చేశాడు. అలా గత ఐదు నెలల నుంచి ఆమెతో లైంగిక వాంఛలు తీర్చుకున్నాడు. అయితే ఇటీవల అతడి వేధింపులు ఎక్కువ కావడంతో చివరకు పోలీసులను ఆశ్రయించారు బాధితురాలు. ఆమె ఫిర్యాదు మేరకు కేసు నమోదు చేసుకుని దర్యాప్తు చేస్తున్నారు.