Click it and Unblock the Notifications
Just In
-
వివేకా హత్య కేసు - ప్రణాళిక మొదలు అన్నీ ఆయనే : సునీత న్యాయవాది వాదనలు..!! -
భారీ ట్రక్కును ఢీ కొని పట్టాలు తప్పిన ఎక్స్ప్రెస్: పలువురి మృతి -
ఖమ్మంలో కాంగ్రెస్ జోరు.. చేరికలతో కొత్తహుషారు: టీఆర్ఎస్, బీజేపీలపై రేవంత్ రెడ్డి విమర్శల హోరు -
రష్యాకు వ్యతిరేకంగా నిలిచిన భారత్: పుతిన్కు మోడీ హితబోధ: జెలెన్స్కీకి ఫోన్: జీ7 దేశాలతో గళం
Don't Miss
-
భర్తకు అమెరికన్ బ్రాండ్ కార్ గిఫ్ట్గా అందించిన నటి శ్వేతా మీనన్.. ధర ఎంతో తెలుసా? -
ఏప్రిల్ 2022 తర్వాత సెన్సెక్స్, నిఫ్టీకి అతిపెద్ద వీక్లీ గెయిన్ -
మీరు క్రికెట్ కోసం వెళ్లారు.. సెల్ఫీలు ఇవ్వడానికి కాదు, ప్లేయర్లకు బీసీసీఐ స్ట్రాంగ్ వార్నింగ్ -
సుడిగాలి సుధీర్తో అలాంటి రిలేషన్..అందుకే కన్నీళ్లు.. ఓపెన్ అయిన ఇంద్రజ -
Today Rasi Phalalu :ఓ రాశి వారికి పెద్ద కంపెనీ నుండి ఆఫర్ రావొచ్చు... -
వీడియో ఎడిటింగ్ కు వేగంగా పనిచేసే Top 5 లాప్ టాప్ లు ! లిస్ట్ మరియు ధర చూడండి. -
ఏ ప్రయాణానికైనా ప్రణాళిక అవసరమండోయ్
Viral Video:బన్నీ పాటకు స్టెప్పులు ఇరగదీసిన డాక్టర్లు..కరోనా టైంలో స్మాల్ రిలీఫ్
ముంబై: నిత్యం కరోనా పేషెంట్లకు చికిత్స చేస్తూ బిజీ బిజీగా ఉండే డాక్టర్లు ఒక్కసారిగా రిలాక్స్ మూడ్‌లోకి వచ్చారు. ఎప్పుడూ హాస్పిటల్, పేషెంట్లు, మందులు, సర్జరీలతోనే టైమ్ గడుస్తోందని తమకంటూ ఓ రిలాక్సేషన్ పీరియడ్ కావాలని కోరుకున్నారో ఏమో తెలియదు కానీ... ఈ డాక్టర్ల బృందం ఒక్కసారిగా ఓ సూపర్ హిట్ సాంగ్‌కు డ్యాన్స్ వేశారు. అదికూడా యూనిఫారంలో ఉండే ఈ డ్యాన్స్ వేశారు. ఇది కాస్త సోషల్ మీడియాలో అప్‌లోడ్ కావడంతో వీడియో తెగ చక్కర్లు కొడుతూ వైరల్‌గా మారింది.
ఓ వైపు దేశాన్ని కరోనా మహమ్మారి కుదిపేస్తోంటే మరోవైపు దానిపై విజయం సాధించేందుకు డాక్టర్లు కృషి చేస్తున్నారు. ఈ క్రమంలోనే వారు ఇళ్లు కుటుంబాలను సైతం వదిలేసి కోవిడ్ పేషెంట్లకు చికిత్స చేస్తూ హాస్పిటల్స్‌కే పరిమితమయ్యారు. నిత్యం పీపీఈ కిట్లను ధరించి ఆస్పత్రిలోనే ఈ వైద్యులు కాలం వెల్లదీస్తున్నారు. 24 గంటలు పీపీఈ కిట్లు ధరించి ఉండడమంటే అదో సవాలు లాంటిదే. అయితే తాజాగా ఓ డాక్టర్ల బృందం కొంత సమయం తీసుకుని రిలాక్స్ అయ్యారు. తెలుగులో స్టయిలిష్ స్టార్ అల్లు అర్జున్ డ్యాన్స్ చేసిన సూపర్ హిట్ సాంగ్ సీటీ మార్‌కు ఈ డాక్టర్లు అదిరిపోయే స్టెప్పులు వేశారు. పాట మనదగ్గరి నుంచి అరువు తీసుకున్నా... అందులో బాలీవుడ్ కండలవీరుడు సల్మాన్ ఖాన్ మరియ దిశా పటానీలు డ్యాన్స్ చేశారు. సల్మాన్ తాజా చిత్రం రాధేలో ఈ పాట ఉంది. బాలీవుడ్ సినిమా అభిమానులను ఈ పాట ఉర్రూతలూగిస్తోంది. అసలే సల్లూభాయ్.. దానికి తోడు మాంచి ఊపు మీదున్న పాట. మరి ఆ పాటను వింటే పీపీఈ కిట్లు ధరించిన డాక్టర్లు కూడా కిట్లను కాసేపు పక్కన బెట్టి అదిరిపోయే స్టెప్పులు వేశారు.
మొత్తం 1:30 నిమిషం నిడివిగల ఈ వీడియో ప్రస్తుతం సోషల్ మీడియాను చుట్టేస్తోంది. ఇందులో ఒరిజినల్ పాటకాకుండా మాండోలిన్ వాయిద్యంతో కూడిన మ్యూజిక్‌కు ఈ డాక్టర్లు స్టెప్పులేశారు. హాస్పిటల్‌లోనే ఈ సాంగ్‌కు డ్యాన్స్ వేసి వీడియోను రికార్డ్ చేశారు. అందరూ నీలం రంగు దుస్తులు ధరించి ముఖాలకు మాస్కులు పెట్టుకుని తలకు కవర్ చేసుకుని స్టెప్పులు ఇరగదీశారు. ఈ వీడియోను హీరోయిన్ దిశా పటానీ ఫ్యాన్ క్లబ్ ఇన్స్‌టాగ్రామ్‌లో పోస్టు చేయడంతో ఇది మరింత వైరల్‌గా మారింది. ఈ వీడియోను చూసిన నెటిజెన్లు ఫిదా అయ్యారు. వారికి తోచినట్లుగా కామెంట్స్ పెడుతున్నారు. ఈ సాంగ్‌ను అటు తెలుగులో ఇటు హిందీలో కూడా ప్రముఖ సంగీత దర్శకులు రాక్‌స్టార్ దేవీశ్రీప్రసాద్ కంపోజ్ చేశారు. ఈ పాటను కమాల్ ఖాన్ - లులియా వంతూరు పాడారు. మరి ఇంకేముంది... దేవీ మ్యూజిక్ ముందు ఎలాంటి వారైనా సరే కాలు కదపాల్సిందే.. రాధే చిత్రంను ప్రభుదేవా డైరెక్ట్ చేశారు. మే 13వ తేదీన దాదాపు 40 దేశాల్లో ఈ సినిమా విడుదలైంది.
