Click it and Unblock the Notifications
Just In
Don't Miss
-
జనాలు ఎక్కువగా కొంటున్న టాప్-3 SUVలు ఇవే.. జాబితాలో లేని టాటా కార్లు!! -
9 రోజులుగా 54 శాతం పెరిగిన స్టాక్.. బ్రోకరేజ్ తాజా టార్గెట్ ధర ఇదే.. మీరూ కొంటున్నారా..?? -
CSK జట్టులో కొత్త ప్లేయర్: రోహిత్-కోహ్లి వికెట్లు తీసిన ఘనుడు -
24GB వరకు RAM, 50MP సెల్ఫీ కెమెరా, మూడు 50MP వెనక కెమెరాలతో కొత్త ఫోన్ లాంచ్! -
Gruha Pravesham Wishes in Telugu : గృహప్రవేశం శుభాకాంక్షలను ఇలా తెలపండి.. -
ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం.. -
Devara: ఎన్టీఆర్ ఫ్యాన్స్ను భయపెడుతున్న రాజమౌళి.. దేవరను వెంటాడుతున్న ఆ సెంటిమెంట్!
కో అంటే కొకైన్, బ్లాక్‌బెర్రీ అంటే అమ్మాయి: ఇవీ డ్రగ్స్ నేరగాళ్ల కోడ్స్!
హైదరాబాద్: నగరంలో సోమవారం పట్టుబడిన నైజీరియన్ల ముఠా మాదకద్రవ్యాల కేసు దర్యాప్తులో ఆశ్చర్యకర విషయాలు వెలుగులోకి వచ్చాయి. రాచకొండ ఎస్‌వోటీ పోలీసులు నిర్వహించిన ఆపరేషన్‌లో నైజీరియన్ నేరగాళ్ల దగ్గర దొరికిన డైరీలో పలు కీలక విషయాలు వెల్లడయ్యాయి.
డ్రగ్స్ దందాతోపాటు వ్యభిచారం..
నైజీరియన్లు తమ డ్రగ్స్ కార్యకలాపాల నిర్వహణ క్రమంలో కోడ్(సంకేత) భాషను వినియోగించినట్లు తేలింది. డ్రగ్స్ విక్రయాలతోపాటు హైదరాబాద్‌లో ఉంటున్న నైజీరియన్ అమ్మాయిలతో వ్యభిచార దందాకు పాల్పడినట్లు తేలడంతో ఈసారి పోలీసులు లోతుగా దర్యాప్తు చేశారు.
Recommended Video
కోడ్ భాషలో..
నైజీరియన్ నేరగాళ్లు.. కొకైన్ కావాలంటే ‘కో' అని.. అమ్మాయి కావాలంటే ‘బ్లాక్‌బెర్రీ(బీబీ)'గా సంకేత నామాలు వాడినట్లు గుర్తించారు పోలీసులు. ఈక్రమంలో డైరీలోని విషయాల గురించి మరింత లోతుగా విచారించే పనిలో నిమగ్నమయ్యారు.
రేవ్ పార్టీల్లో వాడకం..
నైజీరియన్ల ముఠా దగ్గర పోలీసులు కొకైన్, బ్రౌన్‌షుగర్‌తోపాటు ఎంపిటమైన్‌ మాత్రల్ని పోలీసులు స్వాధీనం చేసుకున్నారు. ఎంపిటమైన్‌ మాత్రల్ని రేవ్‌పార్టీల్లో ఎక్కువగా వినియోగించేందుకు విక్రయించేవారని పోలీసులు గుర్తించారు.
లైంగికవాంఛ పెంచేవంటూ..
కాగా, ఈ డ్రగ్స్ లైంగిక వాంఛ పెంచుతాయని చెబుతూ వినియోగదారులకు అమ్మినట్లు నిందితులు వెల్లడించారు. గులాబీ రంగు మాత్రల్ని అమ్మాయిలకు, నీలం రంగు మాత్రల్ని అబ్బాయిల కోసం ప్రత్యేకంగా తయారు చేశారంటూ అంటగట్టేవారని దర్యాప్తులో తేలింది.
లోతుగా దర్యాప్తు...
గోవాలో గ్రాము కొకైన్ రూ.5 వేల లోపు లభ్యమవుతున్నట్లు సమాచారం. అయితే, ఈ నిషేధిత కొకైన్, బ్రౌన్‌షుగర్‌ ఉత్ప్రేరకాల్ని ఇక్కడ గ్రాముకు రూ.20 వేల చొప్పున విక్రయించడం ద్వారా ముఠా భారీఎత్తున డబ్బు పోగేసినట్లు పోలీసులు అనుమానిస్తున్నారు. ఈ లెక్కన 4రెట్లు అధికంగా విక్రయించడం ద్వారా రూ.లక్షల్లో ఆర్జించారనేది పోలీసులు అనుమానిస్తున్నారు. నిందితుల దగ్గర సుమారు రూ.2 లక్షలు మాత్రమే లభ్యం కావడంతో.. అక్రమార్జనను ఎప్పటికప్పుడు నైజీరియాకు పంపినట్లు భావిస్తున్నారు. అదుపులోకి తీసుకున్న నిందితులను లోతుగా విచారిస్తున్నారు పోలీసులు.
