మద్యం మత్తులో నడి రోడ్డులో యువతి చిందులు, బూతులు తిట్టి, సీసీ కెమెరాల్లో !
బెంగళూరు: పీకలదాక మద్యం సేవించిన యువతి నడిరోడ్డులో నానా హంగామా చేసింది. రోడ్ల మీద ఏమిటి ఈ పని అని ప్రశ్నించిన స్థానికుల మీద చిందులు వేసి అమ్మనా బూతులు తిట్టింది. యువతి హంగామా తట్టుకోని స్థానికులు పోలీసులకు సమాచారం ఇచ్చిన ఘటన బెంగళూరు నగరంలో జరిగింది.
అక్రమాస్తుల్లో డీకే ప్రపంచ రికార్డు, ట్రబుల్ షూటర్ త్రిబుల్ సెంచురి, ఈడీ!
బెంగళూరు నగరంలోని హెణ్ణూరులో ఆదివారం రాత్రి పీకలదాక మద్యం సేవించిన యువతి యువకులు రోడ్ల మీదకు వచ్చారు. ఆ బ్యాచ్ లోని ఓ యువతి రోడ్డు మీద నానా హంగామా చేసింది. అల్లరి, కేకలు ఎక్కువ కావడంతో స్థానికులు రోడ్డు మీదకు వచ్చారు.
స్థానికులు వెళ్లి మద్యం సేవించిన వారిని ప్రశ్నించారు. ఆ సమయంలో ఆ బ్యాచ్ లోని ఓ యువతి స్థానికులను అమ్మనా బూతులు తిట్టి అసభ్యంగా ప్రవర్తించింది. అభ్యంతరం చెప్పిన స్థానికుల మీద ఆ యువతి చెయ్యి చేసుకోవడానికి ప్రయత్నించింది.
షాక్: మాజీ సీఎం సిద్దూ లాంటి వ్యక్తి ఈ భూమి మీద ఉండకూడదు, బళ్లారి శ్రీరాములు!
కొందరికి నిషా దిగిపోవడంతో యువతి స్నేహితులు స్థానికులు గుమికూడుతున్న విషయం గుర్తించారు. స్థానికులను బూతులు తిడుతున్న యువతికి ఆమె స్నేహితులు నచ్చచెప్పడానికి ప్రయత్నించారు. అయితే అడ్డు వచ్చిన స్నేహితుల మీద ఆ యువతి దాడి చెయ్యడానికి ప్రయత్నించింది.
స్థానికులు పోలీసులకు సమాచారం ఇవ్వడంతో మద్యం మత్తులో నానా హంగామా చేస్తున్న ఆ యువతిని ఆమె స్నేహితులు అక్కడి నుంచి పిలుచుకుని వెళ్లి పోయారు. మద్యం మత్తులో చిందులు వేసి బూతులు తిట్టిన యువతి ఉత్తర భారతదేశానికి చెందినదని స్థానికులు సమాచారం ఇచ్చారని పోలీసులు అన్నారు. రోడ్డ మీద, పరిసర ప్రాంతాల్లో ఏర్పాటు చేసిన సీసీ కెమెరాలను పరిశీలించి నానా హంగామా చేసిన యువతి కోసం పోలీసులు గాలిస్తున్నారు.